თერჯოლაში მრგვალი მაგიდა გაიმართა ქალებთან. ქალთა ფონდი „სოხუმის“ იურისტმა ისაუბრა ქალთა მიმართ ძალადობის ან/და ოჯახში ძალადობის მსხვერპლთა გამოვლენის, მათი დაცვის, დახმარებისა და რეაბილიტაციის ეროვნული რეფერირების პროცედურების და ჩვენი ორგანიზაციის სერვისების შესახებ.
მონაწილეებმა აქცენტი გააკეთეს ადრეულ ქორწინებაზე, არასრულწლოვანთა უფლება-მოვალეობებსა და საზოგადოების როლზე. მათ მიიღეს ინფორმაცია არასამთავრობო ორგანიზაციების მნიშვნელობაზე და განსაკუთრებით აღნიშნეს ქალთა ფონდი „სოხუმის“ პოზიტიური გავლენის შესახებ.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქუთაისის აკაკი წერეთლის სახელმწიფო უნივერსიტეტში ქალთა ფონდი „სოხუმის“ ორგანიზებით კონფერენცია გაიმართა თემაზე: „ჟურნალისტების როლი გენდერული დეზინფორმაციის აღმოფხვრასა და ქალთა მიმართ გენდერული ძალადობის საკითხების ეთიკურ და პასუხისმგებლიან გაშუქებაში“. კონფერენციის მიზანი იყო სტუდენტების, განსაკუთრებით კი - ჟურნალისტიკის ფაკულტეტის წარმომადგენლების, ინფორმირებულობის გაზრდა გენდერული დეზინფორმაციის გამოვლენისა და ქალთა მიმართ ძალადობის საკითხების ეთიკურ გაშუქებაზე. ღონისძიებამ ხელი შეუწყო ახალგაზრდების ჩართულობას, სადაც ყურადღება გამახვილდა ჟურნალისტების როლზე საზოგადოების არაძალადობრივი და ჯანსაღი გარემოს დამკვიდრებაში.
„დიდი მადლობა ამ თემის ჩვენამდე მოტანისთვის. ვისურვებდი, რომ მსგავს ღონისძიებას უფრო ფართო აუდიტორია ჰყავდეს და მხოლოდ ჟურნალისტიკის ფაკულტეტის სტუდენტებისათვის კი არა, არამედ ყველასთვის იყოს მისი მოსმენა შესაძლებელი. იმედს ვიტოვებ, რომ ჩემი თაობა შეძლებს ქალთა მიმართ ძალადობის აღმოფხვრას და გენდერული თანასწორობის მიღწევას ჩვენს ქვეყანაში,“ - საკუთარი მოსაზრება დააფიქსირა კონფერენციაში მონაწილე ერთ-ერთმა სტუდენტმა.
ქობულეთის ქალთა ურთიერთდახმარების ჯგუფში ახალი წევრები არიან. პირველ შეხვედრაზე მათ ისაუბრეს ქალების საჭიროებებსა და პრობლემებზე. ახალი წევრები არიან ვანშიც. თერჯოლაში კი ის ქალები შეიკრიბნენ, რომლებმაც ურთიერთდახმარების ჯგუფის მუშაობის შედეგად შეძლეს თავიანთი ცხოვრების შეცვლა.
10 მუნიციპალიტეტში შექმნილ ყველა ჯგუფში არიან ახალი წევრები და, შესაბამისად, გაჩნდა ახალი გამოწვევები. შეხვედრებზე ქალები მსჯელობენ ძალადობასთან დაკავშირებულ პრობლემებზე და ცდილობენ, ერთობლივად მოაგვარონ ისინი.
პროექტი ხორციელდება გენდერული თანასწორობის ფონდის მხარდაჭერით (კანადა)
სამტრედიის საგანმანათლებლო რესურსცენტრში მრგვალი მაგიდის ფორმატის შეხვედრა გაიმართა.
ქალთა ფონდი „სოხუმის“ იურისტმა ისაუბრა ქალთა მიმართ ძალადობის ან/და ოჯახში ძალადობის მსხვერპლთა გამოვლენის, მათი დაცვის, დახმარებისა და რეაბილიტაციის ეროვნული რეფერირების პროცედურების შესახებ.
შეხვედრის მონაწილეებმა მიიღეს ინფორმაცია არასამთავრობო ორგანიზაციების მნიშვნელოვან როლსა და პოზიტიურ გავლენაზე, ასევე გაეცნენ ჩვენი ორგანიზაციის სერვისებს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
26 ივლისს ქალთა ფონდმა „სოხუმი“ Zoom პლათფორმაზე ონლაინ პრესკონფერენცია გამართა მედია კონკურსის შესახებ. პრესკონფერენციას ეწრებოდნენ იმერეთის რეგიონში მოღვაწე ჟურნალისტები.
პრესკონფერენცია სრულად მიეძღვნა ფონდის ახალ კონკურსს თემაზე: „გენდერული დეზინფორმაცია და ქალთა მიმართ ძალადობის ეთიკური გაშუქება“, რომელიც იმართება პროექტის „ნარატივების შეცვლა: გენდერული დეზინფორმაციის წინააღმდეგ ბრძოლა ინფორმირებული, მგძნობიარე საზოგადოებისა და ეთიკური რეგიონული მედიისთვის“ ფარგლებში.
კონკურსი მიზნად ისახავს ჟურნალისტური ძალისხმევის მხარდაჭერას და აღიარებას ისეთი კონტენტის შექმნაში, რომელიც ეწინააღმდეგება გენდერულ დეზინფორმაციას. კონკურსი ასევე ხელს უწყობს ეთიკური და პასუხისმგებლიანი ჟურნალისტიკის წინ წამოწევას ქალთა მიმართ გენდერული ძალადობის საკითხების გაშუქებაში. ის უზრუნველყოფს შესაბამისი პლათფორმის შექმნას ხარისხიანი ჟურნალისტური შემოქმედების მხარდაჭერისა და მნიშვნელოვან თემებზე საზოგადოების ცნობიერების ამაღლებისთვის.
კონკურსში მონაწილეობა შეუძლია ჟურნალისტს ინდივიდუალურად ან ჟურნალისტების ჯგუფს, თუ კი საკონკურსო მასალა თანაავტორობით მომზადდა. ნომინანტებმა საკონკურსო ნამუშევარს უნდა დაურთონ მედია პლატფორმაზე გამოქვეყნების დამადასტურებელი ბმული. დამატებით ქულებს მიიღებენ მანაწილეები, რომლებიც ინოვაციურად მიუდგებიან ნამუშევრის გავრცელებას და ამისთვის რამდენიმე პლატფორმას გამოიყენებენ.
საპრიზო ფონდის შესახებ და მეტი ინფორმაციის მისაღებად ეწვიეთ ბმულს - https://fsokhumi.ge/images/2024/10/bukleti-konkursi.pdf
სოფელ კოკში (ზუგდიდის მუნიციპალიტეტი) მრგვალი მაგიდა გაიმართა. ქალთა ფონდი „სოხუმის“ იურისტმა ისაუბრა ქალთა მიმართ ძალადობის ან/და ოჯახში ძალადობის მსხვერპლთა გამოვლენის, მათი დაცვის, დახმარებისა და რეაბილიტაციის ეროვნული რეფერირების პროცედურების და ჩვენი ორგანიზაციის სერვისების შესახებ. შეხვედრის მონაწილეებმა მიიღეს ინფორმაცია არასამთავრობო ორგანიზაციების როლსა და პოზიტიურ გავლენაზე.
შეხვედრის ერთ-ერთმა მონაწილემ აღნიშნა: „არასამთავრობოების სერვისები მნიშვნელოვანია სხვადასხვა ჯგუფისთვის. მე, როგორც ძალადობის მსხვერპლს, ძალიან დამეხმარა თქვენი სარეაბილიტაციო სერვისი, დღეს უფრო დამოუკიდებელი და ძლიერი ვარ“.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
წალენჯიხაში ჩატარდა მრგვალი მაგიდის ფორმატის შეხვედრა. მოწვეულმა იურისტმა ისაუბრა ქალთა მიმართ ძალადობის ან/და ოჯახში ძალადობის მსხვერპლთა გამოვლენის, მათი დაცვის, დახმარებისა და რეაბილიტაციის ეროვნული რეფერირების პროცედურების შესახებ. აქცენტი გაკეთდა ქალთა ფონდი „სოხუმის“ სერვისებზე და მათ მნიშვნელობაზე მსხვერპლთათვის.
შეხვედრაზე საუბარი შეეხო არასამთავრობო ორგანიზაციების როლს და მოყვანილ იქნა სამოქალაქო საზოგადოების მუშაობის პოზიტიური გავლენის მაგალითები.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
8 და 9 ივნისს ქალთა ფონდი ,,სოხუმის’’ ორგანიზებით რეგიონული ჟურნალისტებისა და აკაკი წერეთლის სახელმწიფო უნივერსიტეტის ჟურნალისტიკის ფაკულტეტის სტუდენტებსათვის ჩატარდა ტრენინგი თემაზე: გენდერული დეზინფორმაცია და გენდერულად პასუხისმგებლიანი გაშუქება. ტრენინგი მიზნად ისახავდა მონაწილეების ინფორმირებულობისა და კვალიფიკაციის ამაღლებას გენდერული დეზინფორმაციისა და გენდერულად მგრძნობიარე გაშუქების საკითხებზე.
ტრენინგის პირველ დღეს, 8 ივნისს ესწრებოდა იმერეთში მოქმედი მედიასაშუალებების 18 ჟურნალისტი, მათ შორის ტელე და რადიო, ონლაინ მედიასააგენტოების ჟურნალისტები და დამოუკიდებებლი ბლოგერები, ხოლო 9 ივნისს, აკაკი წერეთლის სახელმწიფო უნივერსიტეტის ჟურნალისტიკის ფაკულტეტის 23, 1-ლი-მე-4 კურსის სტუდენტი.
ტრენინგი მონაწილეების მხრიდან შეფასდა, როგორც სასარგებლო და ინფორმაციული. მონაწილეებმა ხაზი გაუსვეს შეძენილი ცოდნისა და უნარების მნიშვნელობას, რომელსაც ისინი გამოიყენებენ ყოველდღიურ საქმიანობაში. რეალური მაგალითებისა და პრაქტიკული რეკომენდაციების განხილვამ ხელი შეუწყო პრობლემების უკეთ გააზრებას და გენდერულ დეზინფორმაციასთან ბრძოლის ეფექტური გზების მოძიებას.
სარეაბილიტაციო სესიები ფსიქოლოგმა მანანა გოცირიძემ, ძირითადად, ონლაინ ჩაატარა: 9 სატელეფონო ზარი და 12 შეხვედრა ინტერნეტ პლატფორმებზე.
მუშაობა მიმდინარეობდა ქალთა ფონდი „სოხუმის“ ოფისშიც - გაიმართა 10 ფსიქოთერაპიული კონსულტაცია.
ყველა ბენეფიციარმა მიიღო სათანადო კომპეტენტური დახმარება, საჭირო ინფორმაცია და რჩევა. მათ შეძლეს ფოკუსირება პოზიტივზე.
ფსიქოლოგი აქტიურად მუშაობდა ფონდი „სოხუმის“ სარეაბილიტაციო ცენტრში, სადაც იმყოფებოდა სამი ქალი და ორი ბავშვი. წასვლის წინ ერთ-ერთმა მათგანმა განაცხადა: არ მინდოდა აქ ჩამოსვლა, მაგრამ ახლა ძალიან კმაყოფილი ვარ. ცენტრის თანამშრომლებმა სასიამოვნო, თბილი ოჯახური გარემო შეგვიქმნეს. ჩვენთან მუშაობდნენ ფსიქოლოგი, სოციალური მუშაკი, იურისტი. სიცოცხლის სიყვარული, რწმენა და სიხარული დამიბრუნეს. დიდი მადლობა!
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
