„ძალიან მნიშვნელოვანია, რომ იმ ინფორმაციებმა, რომელსაც ფონდი „სოხუმი“ ქალთა უფლებებზე ავრცელებს, ყველა სოფელში ჩააღწიოს, რადგან ქალებს პერიფერიებში ყველაზე მეტად სჭირდებათ ასეთ საკითხებზე ინფორმაციები.“
„ქალთა გაძლიერება ინფორმირებით უნდა დაიწყოს, როცა მე ვიცი ინფორმაცია, უკეთესად შემიძლია საკუთარი უფლებების დაცვა.“
„რაც უფრო მეტი ძლიერი ქალი გვეყოლება, მით უფრო ნაკლები იქნება კონფლიქტები და ოჯახური ძალადობის ფაქტები.“
- ეს მოსაზრებები ქალებთან გამართულ საინფორმაციო შეხვედრებზე დაფიქსირდა. მონაწილეები ხაზგასმით აღნიშნავენ, რომ ქალთა გაძლიერების ერთ-ერთი მნიშვნელოვანი მექანიზმი საჭირო ინფორმაციებით მათი აღჭურვაა.
შეხვედრები ჩატარდა სენაკის, ჩოხატაურის, ვანის, თერჯოლის და ხობის ქალთა მხარდაჭერის ცენტრებში.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა ფონდი „სოხუმის“ მონიტორინგის ჯგუფის ინიციატივა აიტაცა ვანის მუნიციპალიტეტმაც, სადაც ძალადობის საკითხებზე დროული რეაგირების მიზნით მერიაში ქალთა მიმართ ძალადობის ან/და ოჯახში ძალადობის აღკვეთის, ძალადობის მსხვერპლთა დაცვისა და დახმარების, უწყებათაშორისი კომისია შეიქმნა, რომელსაც მერის მოადგილე ვლადიმერ ხელაძე უხელმძღვანელებს. კომისია 13 წევრისგან შედგება და მის შემადგენლობაში შედიან მერიის შესაბამისი სამსახურის, საგანმანათლებლო რესურსცენტრის, საბავშვო ბაღების გაერთიანების, შსს, არასამთავრობო სექტორის და სოციალური სააგენტოს წარმომადგენლები.
კომისია ითანამშრომლებს ვანის მუნიციპალიტეტის გენდერული თანასწორობის საბჭოსთან, პერიოდულად მიაწვდის ინფორმაციას და რეკომენდაციებს მუნიციპალიტეტის ტერიტორიაზე არსებული მდგომარეობის, ქალთა მიმართ ძალადობის ან/და ოჯახში ძალადობის აღკვეთის, ძალადობის მსხვერპლთა დაცვისა და დახმარების მიზნით გასატარებელ ღონისძიებათა შესახებ, რაც პრობლემის კუთხით აქტიურ მუშაობას შეუწყობს ხელს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
Brot für die Welt ის ავტორიტეტული ორგანიზაციაა, რომელმაც როგორც საიმედო პარტნიორმა და დონორმა, ქალთა ფონდი „სოხუმის“ საქმიანობაში ბევრი მიმართულება განსაზღვრა და წარმატებით განამტკიცა. მათ შორის: ძალადობის პრევენცია, მონიტორინგი და ადვოკატირება, ახალგაზრდობის გაძლიერების ცენტრები, ფორუმ-თეატრი/ჩრდილების თეატრი/თოჯინების თეატრი, სარეაბილიტაციო ცენტრები, უკრაინელი ლტოლვილების მხარდაჭერა.
Brot für die Welt-ის წარმომადგენლებმა კიმ კვიბუკამ და ლილიან კურცმა მოისმინეს მიმდინარე ანგარიში, რომელიც ფონდი „სოხუმის“ ქუთაისის სათავო ოფისის და თბილისის წარმომადგენლობის გუნდებმა საინტერესო პრეზენტაციებით წარმოადგინეს.
„მადლობა, რომ თქვენი მრავალმხრივი მუშაობა დაგვანახეთ. ძალიან შთამბეჭდავია, რასაც აკეთებთ და რისკენაც მიისწრაფვით. დარწმუნებული ვარ, დიდი შედეგებიც გექნებათ!“ - აღნიშნა შეხვედრის ბოლოს კიმ კვიბუკამ.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
უკვე შეიქმნა ქალთა ურთიერთდახმარების ჯგუფები 10 მუნიციპალიტეტში. მაისში ჩამოყალიბდა ჯგუფები თერჯოლაში, სენაკში, ჩოხატაურში, სამტრედიაში, ტყიბულში, ვანსა და ქობულეთში. ივნისში კიდევ დაემატა სამი მუნიციპალიტეტი: ბაღდათი, წალენჯიხა და ზუგდიდი. ჯგუფებმა უნდა გაავრცელონ ინფორმაცია იმ სერვისების შესახებ, რაც არსებობს ძალადობის მსხვერპლთათვის ეროვნულ თუ მუნიციპალურ დონეზე. ისინი თავიანთი პრობლემების ადვოკატირებას შეეცდებიან ქალთა ფონდი „სოხუმის“ და ადგილობრივი თვითმმართველობის წარმომადგენლებთან ერთად. მათი თქმით, თავიდანვე ჩანს, რომ ჯგუფი კარგ საქმეებს გააკეთებს ქალებისთვის.
პროექტი ხორციელდება თანასწორობის ფონდის მხარდაჭერით (კანადა)
ურთიერთთანამშრომლობის მემორანდუმს ხობის საკრებულოს თავმჯდომარემ ლევან ქავთარაძემ და ქალთა ფონდი „სოხუმის“ თავმჯდომარემ ალლა გამახარიამ მოაწერეს ხელი.
მემორანდუმი, არასამთავრობო სექტორისა და ადგილობრივი ხელისუფლების პარტნიორობით, სამოქალაქო საზოგადოებაში დემოკრატიული პრინციპების და გენდერული სამართლიანობის კიდევ ერთი გარანტია. მხარეები შეთანხმდნენ, რომ ხელს შეუწყობენ გენდერული თანასწორობის საბჭოს გაძლიერებას, ქალების ფსიქოსოციალური და ეკონომიკური მდგომარეობის გაუმჯობესებას, ერთობლივად განახორციელებენ ეფექტიან ინიციატივებს, ახალგაზრდულ პროექტებს და სხვა.
„ფონდი „სოხუმი“ წლებია, დასავლეთ საქართველოს მუნიციპალიტეტებთან თანამშრომლობს და ბევრი წარმატებული პროექტის განხორციელება შევძელით. იმედი გვაქვს, ხობის მუნიციპალიტეტშიც ბევრ „წარმატების ისტორიას“ შევქმნით თანამშრომლობის სწორი სტრატეგიით,“ - განაცხადა ალლა გამახარიამ.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
პირველი შეხვედრა თერჯოლაში შედგა. და პირველი ურთიერთდახმარების ჯგუფიც ჩამოყალიბდა.
პროექტში, რომელიც კანადის თანასწორობის ფონდის მხარდაჭერით დაიწყო, ბევრი რამაა საინტერესო და ერთ-ერთია ქალთა ურთიერთდახმარების ჯგუფების შექმნა 10 მუნიციპალიტეტში.
მაისში ჩამოყალიბდა ჯგუფები თერჯოლაში, სენაკში, ჩოხატაურში, სამტრედიაში, ტყიბულში, ვანსა და ქობულეთში. ამ მუნიციპალიტეტებში შეკრებილმა ქალებმა უკვე გაიგეს, რა მისია აქვს ამ ჯგუფს, რომ მათ ხელი უნდა შეუწყონ ინფორმაციის გაცვლას ქვეყანაში ძალადობის მსხვერპლთათვის არსებული სერვისების შესახებ. მათ ასევე შეუძლიათ თავიანთი პრობლემების ადვოკატირება. ერთი სიტყვით, მუნიციპალური ჯგუფები ერთად ბევრ სასარგებლო საქმეს გააკეთებენ.
პროექტი ხორციელდება გენდერული თანასწორობის ფონდის მხარდაჭერით (კანადა)
ქალთა ფონდი „სოხუმის“ ადვოკატირების ჯგუფის და ვანის გენდერული თანასწორობის საბჭოს ორგანიზებით ჩატარდა შეხვედრები ისრითის და სალხინოს საჯარო სკოლებში, რომლებშიც მონაწილეობდნენ უფროსკლასელები, პედაგოგები, ადმინისტრაცია.
შეხვედრები მონაწილეებისთვის ძალიან ინფორმაციული აღმოჩნდა. ისინი დეტალურად გაეცნენ ფონდი „სოხუმის“ მუშაობას და იმ სერვისებს, რომლებიც ორგანიზაციას აქვს ქალებისთვის.
ასევე მიიღეს ინფორმაცია მერიის ბავშვთა უფლებების დაცვის განყოფილების პროგრამის შესახებ, რაც განყოფილების კოორდინატორმა და ინსპექტორმა წარმოადგინეს. გენდერული საბჭოს მდივანი შეკრებილებს ესაუბრა საბჭოს მუშაობასა და გეგმებზე. მონაწილეებმა დაასახელეს არაერთი მწვავე პრობლემა, რომლებიც დაუყოვნებელ რეაგირებას მოითხოვს. შეხვედრებზე დაიგეგმა სამომავლო თანამშრომლობაც.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
„ძალადობის მსხვერპლთა სერვისების ციფრული რესურსცენტრი“ არის საქართველოში ერთადერთი ელექტრონული პლატფორმა, სადაც ერთ სივრცეშია გაერთიანებული სრული ინფორმაცია ოჯახში ძალადობის მსხვერპლთა (დაზარალებულთა) დასაცავად საქართველოში არსებული დახმარებისა და მხარდაჭერის სერვისების შესახებ.
ონლაინ პლატფორმაში ინტეგრირებულია მობილური SOS აპლიკაციები, ცხელი ხაზის ნომრები, ძალადობაგამოვლილი ქალების წარმატების ისტორიები და ა. შ. https://sosfsokhumi.ge/.
ციფრული რესურსცენტრის შესახებ ინფორმაცია და ბმული საკუთარ ვებგვერდებზე დააინტეგრირეს ცაგერის, ხაშურის, თერჯოლის, ვანის, ბაღდათის, ჩხოროწყუს, ხონის, ფოთის, მარტვილის მუნიციპალიტეტებმა და აჭარის უმაღლესმა საბჭომ.
აქტიური მუშაობა ახალი პროექტის ფარგლებში გაგრძელდა.
არსებულ პლატფორმაზე გაჩნდა რუკა - საკმარისია, ადამიანმა კურსორი მიიტანოს რუკაზე, რომ იპოვოს ყველა სერვისი რეგიონების მიხედვით - https://sosfsokhumi.ge/central
პროექტი ხორციელდება გენდერული თანასწორობის ფონდის მხარდაჭერით (კანადა)
კანადის თანასწორობის ფონდის მიერ მხარდაჭერილი პროექტი გაგრძელდა.
პროექტის მთავარი მიზანია, უზრუნველყოს ძალადობის მსხვერპლი/პოტენციური მსხვერპლი ქალების და სხვა დაინტერესებული მხარეების ხელმისაწვდომობა ოჯახში ძალადობასთან დაკავშირებული ინფორმაციის ფართო სპექტრზე (ოჯახში/ქალთა მიმართ ძალადობის სამართლებრივი მექანიზმები, მსხვერპლთა დახმარების სერვისები, რეფერირების სისტემის აქტორები და სხვ.) ქალთა მიმართ ძალადობის პრევენციისა და სათანადო რეაგირების მიზნით.
პროექტი 3 წლის განმავლობაში განხორციელდება დასავლეთ საქართველოს 10 მუნიციპალიტეტში (ვანი, ბაღდათი, სამტრედია, ტყიბული, თერჯოლა, წალენჯიხა, სენაკი, ზუგდიდი, ქობულეთი, ჩოხატაური).
პროექტის ფარგლებში ფუნქციონირებას განაგრძობს ვებგვერდი „ძალადობის მსხვერპლთა სერვისების ციფრული რესურს ცენტრი“ https://sosfsokhumi.ge/
