შეხვედრები (650)
შეხვედრები – ამ კატეგორიაში განთავსებულია ცნობები საინფორმაციო შეხვედრების შესახებ ფონდი „სოხუმის“ პროექტების ფარგლებში - შეხვედრები ბენეფიციარებთან, სახელმწიფო სტრუქტურების, ადგილობრივი და საერთაშორისო არასამთავრობო ორგანიზაციების წარმომადგენლებთან.
ოზურგეთის გენდერულმა საკონსულტაციო საბჭომ გურიის გუბერნიის მხრიდან მიიღო წინადადება, ხელი შეუწყოს საბჭოების შექმნას გურიის მასშტაბით, რადგან საბჭოსა და თვითმმართველობის ერთობლივი მუშაობით ბევრი სასიკეთო საქმე გაკეთდა ოზურგეთის მოსახლეობისთვის.
თებერვლის შეხვედრაზე გენდერული საკონსულტაციო საბჭოს გაერთიანებულ სხდომას ესწრებოდნენ ლანჩხუთის და ჩოხატაურის მუნიციპალიტეტის დეპუტატი ქალები.
შეხვედრაზე განხილულ იქნა საჭოს მუშაობის პრინციპები, დაიგეგმა შეხვედრები ორივე მუნიციპალიტეტში საბჭოების ოფიციალურად ფორმირების მიზნით. ლანჩხუთისა და ჩოხატაურის საკრებულოს წევრი ქალბატონები დიდი მოტივაციით მიუდგნენ სიახლეს, რომლის დანერგვასაც მათ მუნიციპალიტეტებში აპირებს გენდერული საკონსულტაციო საბჭო.
გენდერული საკონსულტაციო საბჭოს სხდომაზე იმსჯელეს ადგილობრივი საჭიროებების შეფასების საკითხზე. გადაწყდა, წელს შეფასება ჩატარდეს ოზურგეთის მუნიციპალიტეტის სოფლებში. შეირჩა სამიზნე ჯგუფები, დაიგეგმა ვორკშოპი ჯგუფთან, რომელიც ჩაატარებს კვლევას.
სხდომაზე მოხდა იმ პროცესების განხილვა, რომლებიც იგეგმება ადგილობრივი თვითმმართველობის ბაზაზე საბჭოების შექმნისათვის.
უკვე დაწყებულია მუშაობა ამ კუთხით. საკითხი გავა ქალაქ ოზურგეთის საკრებულოს სხდომაზე, რის შემდგომაც მომდევნო წლის ბიუჯეტისათვის განხილული იქნება გენდერული მრჩევლის შტატის დანერგვა. ადგილობრივი თვითმმართველობა ამ მიმართულებით აქტიურად თანამშრომლობს გენდერულ საკონსულტაციო საბჭოსთან.
გადაწყდა, რომ საბჭო ყველა კომისიას გააცნობს მის მიერ მომზადებულ ბიუჯეტის გენდერულ ანალიზს, რისთვისაც დაინიშნა სპეციალური შეხვედრები.
გენდერული საკონსულტაციო საბჭოს მორიგი შეხვედრა დაეთმო კონფერენციისთვის მზადებას. კონფერენციის ჩატარება ოზურგეთში პროექტის შეჯამებისა და საბჭოს მუშაობის პრაქტიკის გაცნობის მიზნით დაიგეგმა.
შეხვედრაზე ოზურგეთის თვითმართველობების გარდა მოწვეულნი იქნებიან გურიის გუბერნიის წარმომადგენლები, გურიის სხვა მუნიციპალიტეტების და აჭარის მუნიციპალიტეტების წარმომადგენლები. აქცენტი გაკეთდება საკანონმდებლო ცვლილებაზე ყველა საკრებულოში გენდერული საბჭოების შექმნის კუთხით, რაც პროექტის ერთ-ერთი მთავარი მიზანი იყო.
გენდერული თანასწორობის ფონდის მხარდაჭერითპროექტი ხორციელდება გაეროს ქალთა ორგანიზაციის
ოზურგეთის გენდერული საკონსულტაციო საბჭო აქტიურად თანამშრომლობს ადგილობრივ ხელისუფლებასთან.
გენდერული საკონსულტაციო საბჭოს მორიგი სამუშაო შეხვედრა ეხებოდა ადგილობრივი თვითმმართველობის ჩართულობას ოჯახში ძალადობის პრევენციის ღონისძიებებში.
საბჭოს წევრებმა დააფიქსირეს მოსაზრება რომ ადგილობრივი თვითმმართველი ორგანოები მონაწილეობას უნდა ღებულობდნენ ოჯახში ძალადობის პრევენციაში, რაც შეიძლება მოიცავდეს ცნობიერების ამაღლებას, კონფლიქტის გამომწვევი მიზეზების შესწავლას და ანალიზს, მედიაციას და ა.შ.
აგრეთვე ოჯახში ძალადობის შედეგად დაზარალებული პირების დახმარებისა და რეაბილიტაციის სფეროში, რაც თავის მხრივ შეიძლება მოიცავდეს – ადგილებზე კრიზისული ცენტრების მოწყობას, ადგილობრივ სოციალურ პროგრამებში მსხვერპლთა საჭიროებების გათვალისწინებას, დასაქმებაში ხელშეწყობას.
აღინიშნა, რომ პრობლემის მოგვარების ერთ-ერთი მთავარი ინსტრუმენტი ადგილობრივ დონეზე ზუსტად თვითმმართველობა უნდა იყოს.
ოზურგეთის გენდერული საკონსულტაციო საბჭოს სხდომა განსხვავებული ფორმატით შედგა. მეტი მედიარეზონანსისთვის შეხვედრაში მონაწილეობა მიიღეს ჟურნალისტებმა, ადგილობრივი თვითმმართველობის პრეს-სამსახურის სპეციალისტებმა.
საბჭოს თავმჯდომარემ ლელა ნაცვალაძემ წარმოადგინა ანგარიში მუნიციპალიტეტის „სოფლის მხარდაჭერის პროგრამის“ ფარგლებში მიმდინარე შეხვედრებზე. ხაზგასმულ იქნა, რომ ამ შეხვედრებში ქალთა ჩართულობა ძალიან დაბალია, შესაბამისად - გენდერული საჭიროებების წამოწევაც არ ხდება. დაფიქსირდა მოსაზრება, რომ აუცილებელია მსგავს შეხვედრებზე გენდერული ბალანსის დაცვა, რაც ხელს შეუწყობს გენდერული პროექტების განხორციელებას.
საბჭოს იურისტმა სხდომაზე წარმოადგინა ჩატარებული საქმიანობის ანგარიში. ყურადღება გამახვილდა ისეთ პრობლემებზე, რომელთა ადვოკატირებაც რთულად მიმდინარეობს. გადაწყდა, რომ ამ საკითხებზე რეაგირებისთვის პროცესში აქტიურად ჩაერთვებიან გენდერული საკონსულტაციო საბჭოს წევრები და ჟურნალისტები.
ოზურგეთის გენდერული საკონსულტაციო საბჭოს სხდომა დაეთმო ადგილობრივი გენდერული საჭიროებების შეფასებას, რომელიც ამჯერად მუნიციპალიტეტის სოფლებში ჩატარდება (გასულ წელს კვლევის არეალი იყო ქალაქი ოზურგეთი).
გენდერულ საკონსულტაციო საბჭოსთან სამწლიანი თანამშრომლობა ნაყოფიერი და შედეგზე ორიენტირებული იყო - ასეთი შეფასება გაკეთდა ოზურგეთის ადგილობრივი თვითმმართველობის მხრიდან კონფერენციაზე, რომელიც 21 ივლისს ჩატარდა ოზურგეთში საბჭოს მუშაობის შედეგების შეფასების მიზნით.
შეხვედრას ესწრებოდნენ გუბერნიის, ადგილობრივი თვითმმართველობის, ოზურგეთის, ქუთაისისა და სენაკის გენდერული საკონსულტაციო საბჭოების წარმომადგენლები, გურიის (ლანჩხუთისა და ჩოხატაურის) და აჭარის (შუახევის, ხულოს, ქედის, ხელვაჩაურის, ქობულეთის) მუნიციპალიტეტების წარმომადგენლები.
შეხვედრაზე მთავარი აქცენტი გაკეთდა იმ საკანონმდებლო ცვლილებაზე, რომელიც შევიდა კანონში გენდერული თანასწორობის შესახებ და მოიაზრებს მუნიციპალიტეტებში გენდერული საბჭოების შექმნას. ეს პროექტის მთავარი მიზანს წარმოადგენდა. პროექტის ფარგლებში შექმნილი საპილოტე საბჭოების მუშაობა და შედეგები კი სამაგალითო უნდა იყოს სხვა მუნიციპალიტეტებისათვის.
ფონდი „სოხუმისა“ და ადგილობრივი თვითმმართველობის ხელშეწყობით, ოზურგეთის გენდერული საკონსულტაციო საბჭო 8 პროექტს ითვლის. შეხვედრაზე გაანალიზდა პროექტების ფარგლებში მიღებული შედეგები.
ადგილობრივი თვითმმართველობის მხრიდან ხაზგასმულ იქნა საბჭოს მიერ ადგილობრივი საჭიროებების კვლევის ჩატარება და რეკომენდაციების შემუშავება, როგორც საყრდენი დოკუმენტი ადგილობრივი თვითმმართველობისათვის და ადგილობრივი გენდერული პოლიტიკის გეგმა.