შეხვედრები (650)
შეხვედრები – ამ კატეგორიაში განთავსებულია ცნობები საინფორმაციო შეხვედრების შესახებ ფონდი „სოხუმის“ პროექტების ფარგლებში - შეხვედრები ბენეფიციარებთან, სახელმწიფო სტრუქტურების, ადგილობრივი და საერთაშორისო არასამთავრობო ორგანიზაციების წარმომადგენლებთან.
ვიშეგრადის საერთაშორისო ფონდის მიერ მხარდაჭერილი პროექტი „ონლაინ ხმის ელექტრონული მრიცხველი 2020 წლის საპარლამენტო არჩევნებისთვის“ განხორციელების აქტიურ ფაზაშია. საქართველოს ექსპერტებმა დაასრულეს პოლიტიკის დოკუმენტებზე მუშაობა. პოლიტიკის ერთ-ერთ დოკუმენტში გაანალიზებულია პოლიტიკური და საზოგადოებრივი ნდობის მნიშვნელობა საქართველოში დემოკრატიის მდგრადი განვითარებისათვის. მეორე პოლიტიკურ დოკუმენტში საუბარია 2020 წლის საპარლამენტო არჩევნებისთვის შესაძლო საარჩევნო სისტემების მოდელებზე, რომლებიც წარმოდგენილია საქართველოში ძირითადი პოლიტიკური პარტიების მიერ.
პროექტი ხორციელდება ვიშეგრადის ფონდის მხარდაჭერით
სლოვაკეთის, პოლონეთისა და ჩეხეთის ექსპერტებმა დაასრულეს მუშაობა პოლიტიკურ დოკუმენტებზე, რომლებშიც გვიზიარებენ თავიანთი ქვეყნების გამოცდილებას საარჩევნო სისტემის ფორმირების, განვითარებისა და პროცესში მოქალაქეთა ჩართულობის შესახებ.
მუშაობა მიმდინარეობს პროექტის „ონლაინ ხმის ელექტრონული მრიცხველი 2020 წლის საპარლამენტო არჩევნებისთვის“ ფარგლებში ვიშეგრადის საერთაშორისო ფონდის მხარდაჭერით.
პროექტი ხორციელდება ვიშეგრადის ფონდის მხარდაჭერით
ვანის მუნიციპალიტეტის მერიას, საკრებულოს და კულტურულ-ჰუმანიტარულ ფონდ „სოხუმს“ შორის თანამშრომლობის მემორანდუმი გაფორმდა. შეთანხმების მიზანია არასამთავრობო სექტორისა და ადგილობრივი ხელისუფლების ორგანოების თანამშრომლობის ეფექტურობის ამაღლება სამოქალაქო საზოგადოებაში დემოკრატიული პრინციპების განვითარებისა და გენდერული სამართლიანობის ხელშესაწყობად.
ასევე ჩატარდა სამუშაო შეხვედრა ვანის მუნიციპალიტეტში მომუშავე სამოქალაქო საზოგადოების ორგანიზაციებთან - საინიციატივო ჯგუფ „თანადგომასა“ და ორგანიზაცია „მოქალაქეთა აქტიურობა ეფექტური მმართველობისა და სამართლიანობისთვის“. განხილული იქნა ტრენინგის შედეგად მიღებული ინფორმაციები, რომლის მიხედვითაც ჯგუფები იწყებენ მონიტორინგის ჩატარებას.
23 იანვარს ხელი მოეწერა თანამშრომლობის მემორანდუმს ხონის მერიასა და ფონდ „სოხუმს“ შორის პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში აქტიური მუშაობის მიზნით.
ასევე გაიმართა სამუშაო შეხვედრა სამოქალაქო საზოგადოების ორგანიზაციების (ქალთა საინიციატივო ჯგუფი და დევნილთა საინიციატივო ჯგუფი) წევრებთან, რომლებიც უშუალოდ იმუშავებენ მონიტორინგის განხორციელებაში.
პროექტი ხორციელდება ევროკავშირის მხარდაჭერით
ბაღდათის მუნიციპალიტეტში ორგანიზებულ შეხვედრაზე მონაწილეობდნენ პროექტში ჩართული სამოქალაქო საზოგადოების ორგანიზაციების (სსო) წევრები. შეხვედრაზე განხილული იქნა ორგანიზაციებსა და ფონდ „სოხუმს“ შორის გასაფორმებელი მემორანდუმი. ასევე იმსჯელეს ტრენინგზე (თემა: „სახელმწიფო მმართველობის რეფორმის საგზაო რუკა და ადგილობრივ დონეზე საგზაო რუკის მონიტორინგის პროცესის რეალიზება“) მიღებულ ინფორმაციაზე, რომლის მიხედვითაც ჯგუფები მონიტორინგს იწყებენ თავიანთ მუნიციპალიტეტებში.
პროექტი ხორციელდება ევროკავშირის მხარდაჭერით
17 იანვარს გაიმართა სამოქალაქო ორგანიზაციების საერთო ფორუმის რიგით მეორე შეხვედრა პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
ფორუმის მონაწილეებმა განიხილეს და მიიღეს სამოქალაქო საზოგადოების ორგანიზაციების (სსო) საერთო ფორუმის დებულება. ლანჩხუთისა და ოზურგეთის მუნიციპალიტეტების სამოქალაქო საზოგადოებების ორგანიზაციების წარმომადგენლებმა გააკეთეს პრეზენტაცია თავიანთ მუნიციპალიტეტებში საჯარო მმართველობის არსებული მდგომარეობის შესახებ.
შეხვედრის მონაწილეებს ჰქონდათ შესაძლებლობა, დაესვათ კითხვები და გაეზიარებინათ თავიანთი მოსაზრებები.
პროექტი ხორციელდება ევროკავშირის მხარდაჭერით
14 იანვარს ფონდი „სოხუმის“ ოფისში გაიმართა პარტნიორი ორგანიზაციების მორიგი შეხვედრა პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში, რომელიც დაფინანსებულია ევროკავშირის მიერ.
პროექტის შემსრულებლებმა განიხილეს საერთო ფორუმის შეხვედრისა და საჯარო მმართველობის რეფორმის საგზაო რუკის მონიტორინგის თემაზე მორიგი ტრენინგის საკითხები.
ზუგდიდის მუნიციპალიტეტის საკრებულოს სხდომათა დარბაზში გაიმართა საკოორდინაციო შეხვედრა, რომელშიც მონაწილეობდნენ სამეგრელო-ზემო სვანეთის სამხარეო ადმინისტრაციის და რეგიონის 7 მუნიციპალიტეტის წარმომადგენლები, გენდერული საბჭოს წევრები, სოციალური და ჯანდაცვის სამსახურის უფროსები.
შეკრებილებმა ისაუბრეს სამხარეო ადმინისტრაციის მნიშვნელობაზე მუნიციპალური გენდერული საბჭოების მუშაობის კოორდინაციის საქმეში, შესაბამის ნაციონალურ სტრუქტურებთან საჭირო ინფორმაციის მიწოდებაზე.
გამოიკვეთა მთავარი - მუნიციპალური გენდერული თანასწორობის საბჭოების მიერ გენდერული პოლიტიკის დანერგვის მნიშვნელობა და ქალთა მიმართ/ოჯახში ძალადობის პრევენციის და მსხვერპლთა დაცვის მიმართულებით მუშაობის აუცილებლობა.
დეკემბერში ფონდი „სოხუმის“ ფსიქოლოგმა ჯგუფური შეხვედრები გამართა რეგიონებში.
ოზურგეთისა და ლანჩხუთის საბავშვო ბაღებში საუბარი იყო თემაზე „7 წლამდე ასაკის ბავშვების ფსიქოლოგიური აღზრდის თავისებურებები“. გამოვლინდნენ პრობლემური ბავშვები. მეთოდისტები და პედაგოგები ადგილობრივ ფსიქოლოგთან განაგრძობენ მუშაობას.
ფოთის ორ საბავშვო ბაღში ჩატარებული არტსესიის შემდეგ გამოიკვეთა 13 ბავშვი - ოჯახში ძალადობის რისკით, დაბალი თვითშეფასებით და აგრესიული ხასიათით. ბავშვების ნახატები გადაეცა ფსიქოლოგს შემდგომი მუშაობისთვის.
სენაკსა და ხონში მოეწყო 4 ინდივიდუალური კონსულტაცია, ქუთაისში კი 10 ბენეფიციარი განაგრძობს ფსიქოთერაპიულ კურსს.
ვანის მუნიციპალიტეტში სამუშაო შეხვედრა გაიმართა პროექტის „გურიის, იმერეთის, რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში. ფონდი „სოხუმის“ წარმომადგენელი შეხვდა სამოქალაქო საზოგადოების ორგანიზაციებს - საინიციატივო ჯგუფი „თანადგომა“ და „მოქალაქეთა აქტიურობა ეფექტური მმართველობისა და სამართლიანობისთვის“. განხილული იქნა ტრენინგის შედეგად მიღებული ინფორმაციები და საერთო ფორუმისთვის შემუშავებული დებულება. ორგანიზაციებს გაეწია კონსულტაცია პროექტის ფარგლებში დაგეგმილ აქტივობებთან დაკავშირებით.
პროექტი ხორციელდება ევროკავშირის მხარდაჭერით