ტრეინინგ-სემინარები (105)
ტრენინგები (train - სწავლება) - ინტერაქტიური სწავლების ერთ-ერთი სახეა. კატეგორიაში ასახულია პროექტების ფარგლებში გამართული ტრენინგები, ასევე ტრენინგები ფონდი „სოხუმის“ თანამშრომლების მონაწილეობით.
18 გოგონა შეიკრიბა ქუთაისში, სასტუმრო „იმერში“დასავლეთ საქართველოს სხვადასხვა კუთხიდან (ქუთაისი, წყალტუბო, ხონი, ზუგდიდი, ხობი, გალი, ზუგდიდის მუნიციპალიტეტის სოფლები განმუხური და აბასთუმანი).
უფრო საინტერესოები, მოტივირებულები და კრეატიულები შეარჩია კომისიამ 23 მონაწილიდან - რადგან ასე მოითხოვდა ტრენინგის ფორმატი. გოგონები აქტიურად მუშაობდნენ თემაზე „ქართულ-აფხაზური კონფლიქტის ანალიზი, პოსტკონფლიქტური დარეგულირების გენდერული ასპექტები (კრეატიული მეთოდების ჩართვით)“.
ტრენინგი გაიმართა ერთობლივი ქართულ-აფხაზური პროექტის „ქალთა ხმის გაძლიერება გადაწყვეტილების მიღების დონეზე“ ფარგლებში (დონორი: შვეიცარიის საგარეო საქმეთა ფედერალური დეპარტამენტი).
4 დღის განმავლობაში უამრავ საინტერესო, ნაცნობ თუ უცნობ საკითხს შეეხნენ: ქართულ-აფხაზური კონფლიქტის მიზეზები, დარეგულირების გზები, გაეროს და სხვა საერთაშორისო ორგანიზაციების მისია, ჟენევის მოლაპარაკება, ქალთა ლიდერობა, სამშვიდობო ხედვის შემუშავება...
მონაწილეთა შორის იყვნენ გოგონები კონფლიქტის ზონიდან, რომელთაც ბევრი რამ საინტერესო შესძინეს ტრენინგს და მიიღეს მათთვის მნიშვნელოვანი ინფორმაციები.
ტრენინგზე მუშაობდნენ გამოცდილი მწვრთნელები, ექსპერტები ქართულ-აფხაზური კონფლიქტის საკითხებში - იულია ხარაშვილი, დალი ხომერიკი, ხათუნა გოგუა და ეკა გამახარია. სხვადასხვა ბლოკს დაესწრნენ პროექტის დირექტორი ალლა გამახარია და კოორდინატორი მერი გელაშვილი.
ბოლო ორმა დღემ ახალგაზრდები „მოწყვიტა“ რეალურ სამყაროს და შეაქმნევინა საკუთარი პლანეტები საკუთარი ლექსიკონით, მათ გამონახეს საკუთარი გზები ქართულ-აფხაზური კონფლიქტის დარეგულირებისთვის. ეს იყო ძალიან საინტერესო და განსხვავებული.
ტრენინგი განსაკუთრებული იყო აქტიური დისკუსიებით, ჯგუფური სამუშაოებითა და პრეზენტაციებით, არაფორმალური ურთიერთობებით, თეატრის წარმოდგენაზე დასწრებით. გაუთავებლად შეიძლება დაიწეროს გოგონების ემოციებზე, რომლებიც ტრენინგის ბოლოს გულწრფელად გაუზიარეს ერთმანეთს:
„ტრენინგმა მომცა ცოდნა, ფრთები და ენთუზიაზმი“.
„მივიღე ინფორმაცია კონფლიქტის სტადიების შესახებ, შევიტყვე ქართულ-აფხაზური კონფლიქტის დინამიკა“.
„მივხვდი, რომ ჩემს ფანტაზიასა და იდეებს საზღვარი არ გააჩნია“.
„დაღლილი და სავსე მე!“
პროექტი ხორციელდება შვეიცარიის საგარეო საქმეთა
ფედერალური დეპარტამენტის მხარდაჭერით
8 ივლისს შშმ პირებთან ჩატარდა ტრენინგი. მათ მიეწოდათ ინფორმაცია არასამთავრობო ორგანიზაციის შესახებ, რამდენ ადამიანს შეუძლია მისი შექმნა- ჩამოყალიბება, რა ტიპის ორგანიზაციები არსებობს, ვინ შეიძლება იყოს დამფინანსებებლი, როგორ უნდა დაიწეროს პროექტი და ა.შ.
მათი თქმით, ამ ტიპის ინფორმაცია მათთვის პირველი იყო და ისინი ძალიან კმაყოფილები დარჩნენ.
19-21 ივნისს ბორჯომში ჩატარდა ტრენინგი ქუთაისის, ხონის, წყალტუბოს, ბათუმის, ფოთის, ოზურგეთის, სენაკის და ზუგდიდის ადგილობრივი თვითმმართველობის 23 წარმომადგენლის (მათ შორის 15 მამაკაცი) მონაწილეობით.
ტრენინგის თემა იყო „ადგილობრივი თვითმმართველობა - ოჯახში ძალადობასთან ბრძოლის პრევენციული სტრატეგიები“. მისი კურიკულუმი მოიცავდა ყურადღების გამახვლებას შემდეგ საკითხებზე: გენდერი, გენდერული ძალადობა, ძალადობის სახეები, სტამბულის კონვენცია, კანონი ოჯახში ძალადობის წინააღმდეგ, სამოქმედო გეგმა, საკანონმდებლო ცვლილებები...
ტრენინგის ბოლო დღეს ყველა ქალაქის მიხედვით შემუშავდა სამოქმედო სტრატეგია ოჯახში ძალადობის პრევენციისა და მსხვერპლთა დაცვის კუთხით.
დასავლეთ საქართველოს 8 ქალაქმა განაცხადა მზადყოფნა იმ ბოროტებასთან - ძალადობასთან - საბრძოლველად, რომელსაც განიცდის ქალთა დიდი ნაწილი!
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ორგანიზაციის პოტენციალის გაძლიერების სტრატეგიული გეგმის ფარგლებში, 15-16 მაისს ფონდი „სოხუმის“ ქალთა მხარდაჭერის ცენტრის მობილიზატორებისათვის ბათუმში ჩატარდა ტრენინგი თემაზე „პროექტის დიზაინი და მართვა“. ტრენინგი აიგო პრაქტიკულ მუშაობაზე, რომლის მიზანი იყო მონაწილეთა მიერ საკუთარი რეგიონის, თემის დონეზე პრობლემების იდენტიფიცირება და საპროექტო წინადადებების მომზადება.
მონაწილეები გაეცნენ ფანდრაიზინგის ტექნოლოგიებს, პროექტის საბაზო ელემენტებს, დაწერის სტრუქტურას, ლოგიკური მატრიცის გამოყენებას.
ჯგუფური სამუშაოების მეშვეობით მონაწილეებმა შეძლეს პრობლემების გამოკვეთა და პროექტის მიზნები, ამოცანებისა და შედეგების ჩამოყალიბება. მიღებული ცოდნის შედეგად ისინი დამოუკიდებლად შეიმუშავებენ პროექტებს და შეეძლებათ ფინანსური მხარდაჭერის მოძიება.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
- ცოცხალი, დინამიური ტრენინგი, თეორიული და პრაქტიკული ნაწილების ეფექტური მონაცვლეობით, - ასე შეაფასეს მონაწილეებმა ფონდი „სოხუმის“ ორგანიზებით ბათუმში, ჩატარებული ტრენინგი.
პირველი დღე ადამიანური უსაფრთხოების კომპონენტების განხილვას დაეთმო, განსაკუთრებით საინტერესო აღმოჩნდა ამ საკითხების გენდერულ ჭრილში გაანალიზება.
პროექტის მიხედვით, ტრენინგის მონაწილეები ამ საკითხებზე კვლევებს ჩაატარებენ ქუთაისში, სენაკში, ფოთში, ხონში, წყალტუბოსა და ხურჩაში (ზუგდიდის მუნიციპალიტეტი). ამიტომაც ტრენინგის მეორე დღე კვლევების ჩატარების მეთოდოლოგიას და ტექნიკას დაეთმო.
პროექტი ხორციელდება ორგანიზაცია „ქალები ქალებისათვის“
(Kvinna till Kvinna) მხარდაჭერით (შვედეთი)
ქუთაისში, სასტუმრო „რივერსაიდში“ ქუთაისის გენდერული საკონსულტაციო საბჭოს წევრებისთვის გაიმართა ტრენინგი თემაზე „პროექტების დიზაინი და მართვა“.
ინფორმაციულ ნაწილს ახლდა პრაქტიკული სავარჯიშოები. მონაწილეებმა ჯუფებში იმუშავეს პროექტების შექმნასა და დახვეწაზე.
- ტრენინგზე პროექტების წერის ტექნიკას დავეუფლეთ; მნიშვნელოვანი იყო ძირითადი მიზნებისა და ამოცანების განსაზღვრა; ტრენინგი დაგვეხმარება პროექტების შემუშავებაში, - ასეთი იყო მონაწილეთა შეფასება.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
„დიზაინი და პროექტის მართვა“ - ასეთი იყო სენაკში გენდერული საკონსულტაციო საბჭოს
წევრებისა და სამოქალაქო საზოგადოების აქტივისტებისათვის გამართული ტრენინგის თემა.
მონაწილეები გაეცნენ ფანდრაიზინგის ტექნოლოგიებს, პროექტის საბაზო და მნიშვნელოვან ელემენტებს და დაწერის სტრუქტურას, ლოგიკური მატრიცის გამოყენებას.
ჯგუფური სამუშაოების დროს გენდერული საკონსულტაციო საბჭოს წევრებს ახალი საპროექტო იდეები გაუჩნდათ. მონაწილეები ცდილობდნენ, სწორად ჩამოეყალიბებინათ თავიანთი პროექტების მიზნები, ამოცანები და შედეგები.
მიღებული ცოდნა იმის გარანტია, რომ ისინი დამოუკიდებლად შეიმუშავებენ პროექტებს და შეძლებენ ფინანსური მხარდაჭერის მოძიებას არა მხოლოდ ადგილობრივ, არამედ საერთაშორისო დონეზე.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით