„თემები ძალიან აქტუალურია, გამოვიყენებ ცხოვრებაში“.

„ამ თემებზე აუცილებელია საუბარი ჩვენს ასაკში“.

„უკვე  კონფლიქტებს ვაკვირდები და ვცდილობ მოგვარებას“.

დასრულდა ექვსთვიანი სატრენინგო კურსი და ეს მონაწილეთა უკუკავშირია. 

შემაჯამებელი შეხვედრა ათივე მუნიციპალიტეტში წარმატებით ჩატარდა შეკრებილების წინაშე გამოვიდნენ წინასწარ შერჩეული პრეზენტატორები, ახალგაზრდებმა გულახდილად ისაუბრეს კონფლიქტების და ძალადობის თემაზე ჩატარებულ ტრენინგებზე, კურსის მნიშვნელობაზე მოზარდებში, გავლენაზე, ცვლილებებზე.

ლიდერებმა აქტიურად იმუშავეს პრეზენტაციებზე, სირთულეების მიუხედავად, შეხვედრები ორგანიზებულად ჩატარდა.

ასევე წარმატებით მოხდა ახალი ჯგუფების ფორმირება - ოქტომბერში ახალი სატრენინგო კურსი დაიწყება.

 

პროექტი ხორციელდება  ორგანიზაცია Brot für die Welt - Evangelischer 

Entwicklungsdienst მხარდაჭერით (გერმანია)

საინტერესო ფორმატით წარიმართა დიალოგი სამოქალაქო განათლების მიმართულებით მომუშავე სპეციალისტებთან. ონლაინ შეხვედრის თემა - „მიგრაციის ფსიქოსოციალური, ეკონომიკური, სამართლებრივი, სტრუქტურული ასპექტები და მისი პრევენციის ღონისძიებები“.

მონაწილებს გავაცანით ფონდი „სოხუმის“ კვლევის მიგნებები, ციფრული რესურსი www.sosfsokhumi.ge, ვისაუბრეთ ქალთა მიგრაციის ძირითად ფაქტორებზე,  უკონტროლო მიგრაციის ფსიქოსოციალურ შედეგებსა და შემცირების მნიშვნელობაზე. 

გაიმართა საინტერესო დიალოგი მიგრაციის პრევენციის   მექანიზმებზე, მიგრაციული ტენდენციის ჯგუფებზე. შეხვედრის მონაწილეებმა გაგვიზიარეს საკუთარი დაკვირვება, რომ თუ წინა წლებში მიგრაცია უფრო ქალაქის მოსახლეობას შეეხებოდა, უკვე სოფლებიც იცლება, რადგან სოფლის მეურნეობაში ძალიან რთულად შემოდის ინოვაციები, ნიადაგი გამოიფიტა, შემოსავალმა მნიშვნელოვნად იკლო.  ნაკლებად ხდება წარმატებული ადგილობრივი მეწარმეების პოპულარიზაცია. 

ითქვა, რომ უკონტროლო მიგრაციის შემცირება რთულია შესაბამისი პოზიტიური სოციალურ-ეკონომიკური გარემოს გარეშე, მაგრამ ამის პარალელურად, აუცილებელია, საზოგადოებამ გაიაზროს, რა ნეგატიური ფსიქოემოციური შედეგები მოსდევს მიგრაციას ოჯახებისთვის: გაუცხოება, მშობლების სითბოს მოკლებული ბავშვები, ზედმეტად მძიმე ზრუნვის ტვირთი ხანდაზმულებისთვის, რომ არაფერი ვთქვათ „ტვინების გადინებაზე“, დემოგრაფიული სურათის შეცვლაზე. ამიტომ მნიშვნელოვნად მიაჩნიათ საზოგადოებრივი დიალოგი მიგრაციის საკითხებზე.

 

პროექტი ხორციელდება  ორგანიზაცია Brot für die Welt - Evangelischer 

Entwicklungsdienst მხარდაჭერით (გერმანია)

ფორუმ-თეატრის მსახიობებმა ორი წარმოდგენა გამართეს ქუთაისში -  ახალგაზრდულ ცენტრში და პარკში.

ორივეგან აქტიური დისკუსიები წარიმართა წამოჭრილ პრობლემებზე, მაგრამ სცენებში მაყურებლის განსაკუთრებული ჩართულობა იყო ახალგაზრდებთან ჩატარებულ შეხვედრაზე. მაყურებელმა მაღალი შეფასება მისცა  მსახიობთა თამაშს და რეჟისორის პროფესიონალიზმს.

ფოტოებიც ამბობენ სათქმელს - ეს არის ის, რაც დიდხანს რჩება მაყურებლის მეხსიერებაში...

 

პროექტი ხორციელდება  ორგანიზაცია Brot für die Welt - Evangelischer 

Entwicklungsdienst მხარდაჭერით (გერმანია)

ვანის, წყალტუბოს და ქუთაისის ქალთა მხარდაჭერის ცენტრებში გაიმართა ფსიქოლოგის შეხვედრები. ძირითადი თემა იყო „ბრაზის მართვა შვილებთან“. 

საკითხი აღმოჩნდა აქტუალური და საინტერესო. დედების თქმით, შვილებთან ურთიერთობისას უჭირთ ბრაზის მართვა. შეთანხმდნენ, რომ ბრაზი, როგორც წესი, ჯანმრთელი, ადამიანური ემოციაა. რაც შეეხება შვილებთან ბრაზის მართვას, რთული პროცესია. შვილები მშობლების ემოციას სწრაფად იჭერენ და თუ ჩვენ ბრაზს სწორად წარვმართავთ, მათაც ვასწავლით თვითკონტროლს. ქალები აქტიურად იყვნენ ჩართული მუშაობის პროცესში.

ფსიქოლოგმა რამდენიმე პრაქტიკული რჩევა მისცა ქალებს: დაიცავით საკუთარი რესურსი, მუდმივად დაღლილ ადამიანს უჭირს ბრაზის კონტროლი, იპოვეთ დრო საკუთარი თავისთვის...

 

პროექტი ხორციელდება  ორგანიზაცია Brot für die Welt - Evangelischer 

Entwicklungsdienst მხარდაჭერით (გერმანია)

 

 

ქალთა მიგრაციის უკან რეალური გამოცდილება დგას - სიღარიბე, საბანკო ვალდებულებები, ოჯახში ძალადობა და დაუფასებელი შრომა.

ფონდი „სოხუმის“ ახალი კვლევა, რომელიც დასავლეთ საქართველოს 11 მუნიციპალიტეტში ჩატარდა, გვიჩვენებს:

  • გამოკითხული ქალების 67%-ს ერთხელ მაინც უფიქრია ქვეყნის დატოვება;
  • 30% უკვე აქტიურად ფიქრობს მიგრაციაზე.

ეს ციფრები მხოლოდ სტატისტიკა არ არის. ისინი ქალების რთულ არჩევანს ასახავს.

სრული კვლევა იხილეთ აქ: https://fsokhumi.ge/index.php/ka/publikacia/informatia-zaladobis-tsinaagmdeg/item/15769-2025-07-08-16-30-02 

 

პროექტი ხორციელდება  ორგანიზაცია Brot für die Welt - Evangelischer 

Entwicklungsdienst მხარდაჭერით (გერმანია)

ქალთა მხარდაჭერის ცენტრებში სულ უფრო მნიშვნელოვანი ხდება მუშაობა სოციალური მიმართულებით. პარასპეციალისტები სხვადასხვა საჭიროებების მქონე ქალებს ხვდებიან. შეხვედრებზე ქალები საუბრობენ მათთვის ყველაზე აქტუალურ გამოწვევებზე. გამოკვეთილ პრობლემებს შორის პრიორიტეტულია ქალთა მიგრაცია, რადგან შრომითი მიგრაციის მაჩვენებელი ყოველთვიურად იზრდება. 

პარასპეციალისტები აწოდებენ ქალებს ინფორმაციას ეკონომიკურ პროგრამებზე, ქალთა გადამზადების კურსებზე, ამისამართებენ საჭიროების შესაბამისად არსებული სერვისების მისაღებად. თემებში სოციალური მუშაობის გაძლიერება ხელს უწყობს ქალთა ინფორმირებას, რაც მნიშვნელოვანია ძალადობის პრევენციისთვის. 

 

პროექტი ხორციელდება  ორგანიზაცია Brot für die Welt - Evangelischer 

Entwicklungsdienst მხარდაჭერით (გერმანია)

ქალთა მხარდაჭერის ცენტრებში ინფორმაციის მიწოდების პარალელურად, აქტიური მუშაობა მიდის ქალთა გაძლიერებისათვის.  

მობილიზატორების და პარასპეციალისტების დახმარებით წყალტუბოს, ვანის, ქუთაისის, ზუგდიდის და ჩოხატაურის ხუთ ქეისზე მოხდა რეაგირება. რეაგირებისთვის სხვადასხვა ინსტრუმენტი იყო გამოყენებული: ფსიქოლოგის დახმარება, კონსულტირება და გადამისამართება. სამმა ქალმა ფსიქოლოგის სერვისი გამოიყენა და მათი მდგომარეობა გაუმჯობესდა. პარასპეციალისტების კონსულტაციების შედეგად სოციალური მხარდაჭერა მიიღო სამმა ქალმა.  

ცენტრების მუშაობა ქალთა ინფორმირებისა და ფსიქოსოციალური მხარდაჭერისთვის გრძელდება.  

 

პროექტი ხორციელდება  ორგანიზაცია Brot für die Welt - Evangelischer 

Entwicklungsdienst მხარდაჭერით (გერმანია)

როგორი იყო აგვისტო ჩვენს ახალგაზრდულ ჯგუფებში?

ამინდივით ცხელი და აქტიური, საინტერესო და საქმიანი.

ათივე შეხვედრა ონლაინ ფორმატში ჩატარდა. ახალგაზრდებმა ინტერესით მოისმინეს თვის თემები: კონფლიქტის მშვიდობიანი მოგვარების გზები, მშობლებისა და შვილების ურთიერთობები, ეთიკა და ესთეტიკა. 

როგორი იქნება სექტემბერი?

კიდევ უფრო აქტიური და საინტერესო...

დაიწყო მზადება შემაჯამებელი შეხვედრებისთვის. არჩეულია სამუშაო ჯგუფები, რომლებიც მოიწვევენ სტუმრებს. ლიდერები კი წარმოადგენენ პრეზენტაციებს, რა გავლენა მოახდინა მათზე ხუთთვიანმა კურსმა, რა შეიცვალა და როგორ გამოიყენებენ მიღებულ ცოდნას. 

 

პროექტი ხორციელდება  ორგანიზაცია Brot für die Welt - Evangelischer 

Entwicklungsdienst მხარდაჭერით (გერმანია)

ფორუმ-თეატრის წარმოდგენები გაიმართა ქუთაისის მოსწავლე ახალგაზრდობის პარკში. იყო აქტიური დისკუსია და  ძალადობისგან გამოსავლის ძიება მაყურებელთან ერთად.

საუბარში, ძირითადად, ქალები ერთვებოდნენ  და ყვებოდნენ ძალადობის ისტორიებს (ფოტოებში მხოლოდ მსახიობები არიან, მაყურებლები თავს იკავებენ).

მსახიობების აზრით, მათი ხმა და მნიშვნელოვანი მესიჯები ბევრ ადამიანს უნდა მისწვდეს, რადგანაც ძალადობის ფაქტები ხშირია.

 

პროექტი ხორციელდება  ორგანიზაცია Brot für die Welt - Evangelischer 

Entwicklungsdienst მხარდაჭერით (გერმანია)

ქალთა მხარდაჭერის ცენტრებში იციან, რამდენად მნიშვნელოვანია ის ინფორმაციები, რომელსაც ისინი მსხვერპლთა დახმარების სერვისებზე ავრცელებენ. შეხვედრები ქალთა ჯგუფებთან აგვისტოშიც გაგრძელდა. ინფორმირების პარალელურად, ბენეფიციარებთან კომუნიკაცია გრძელდება.

მობილიზატორებს უკვე მიმართეს ქალებმა დახმარებისთვის, კონსულტაციისთვის. ქუთაისის, ხონის, ვანის, წალენჯიხის თემებში ექვსი ახალი ქეისი დაფიქსირდა. ახალი ქეისების იდენტიფიცირება ნიშნავს იმას, რომ მათი დახმარების შესაძლებლობები გაზრდილია. თითოეულმა ქალმა უკვე მიიღო ინფორმაცია, ვის მიმართოს და რა სერვისები გამოიყენოს.  

იდენტიფიცირების პროცესში აქტიურად არიან ჩართული ცენტრების პარასპეციალისტები. სოციალური მუშაობის წარმატებას აძლიერებს  ბენეფიციარების მხრიდან ნდობა და თანამშრომლობის სურვილი. 

 

პროექტი ხორციელდება  ორგანიზაცია Brot für die Welt - Evangelischer 

Entwicklungsdienst მხარდაჭერით (გერმანია)

სასარგებლო ბმულები

სოციალური ქსელები