ასე ილუსტრირებული ჯერ არ ყოფილა ჟურნალი „ქალთა ხმა". ეს გასაგებიცაა, მასში არის წერილები ახალგაზრდების შეხვედრაზე ლიდერ ქალებთან - რა თქმა უნდა, შესაბამისი ფოტოილუსტრაციით.
აქ არის ლიდერ გოგონათა სკოლის 12 მონაწილის პორტრეტიც და კიდევ მრავალი სხვა რამ, რასაც ფოტოებიც ახლავს: შეხვედრები ახალგაზრდულ კლუბში „აფხაზეთი - მინდა ყველაფერი ვიცოდე", ტრენინგი ახალციხეში, ტრენინგი ბათუმში, ახალგაზრდული ქსელის შეხვედრა კუნძულ ბიუკადაზე, 100 ადამიანის უფლებათა დამცველი აქტივისტი ქალის შეხვედრა მონტენეგროში...
ასე, რომ მკითხველს მრავალი საინტერესო ინფორმაცია ელოდება ჟურნალის ახალი ნომრიდან...
პროექტი ხორციელდება შვედეთის ქალთა ორგანიზაცია „ქალები ქალებისათვის" (KVINNA TILL KVINNA) მხარდაჭერით.
მკითხველებისადმი ამ მიმართვით იწყება ჟურნალის ახალი, მესამე ნომერი. და მის 24 გვერდზე საუბარია ამომრჩეველ ქალთა კლუბების მუშაობაზე არჩევნებში ქალთა მეტი მონაწილეობის მიზნით, სოციოლოგიურ გამოკვლევებზე, მასშტაბურ აქციაზე სლოგანით „თანასწორობა - ქვეყნის სიძლიერე!"
დეპუტატთაგან ოთხი ქალბატონი - ნაზიბროლა ქობულაძე, ირინა საჯაია, მანანა შულაია და დარეჯან ცხვიტარია ფონდი „სოხუმის" კლუბების აქტიური წევრები არიან. ჟურნალი მათ პორტრეტებსაცსთავაზობს მკითხველებს.
ჟურნალი ულოცავს ყველა ქალს, რომელმაც უთანასწორო ბრძოლაში მოიპოვა გამარჯვება. თუმცა იმასაც აღნიშნავს, რომ ვერც ამ არჩევნებმა შეცვალა გენდერული სურათი საქართველოში.
ჟურნალ „ქალთა ხმის"ახალი ნომერი ისეთივე მრავალფეროვანია, როგორც ფონდი „სოხუმის" მუშაობა ოჯახში ძალადობის პრევენციის მიზნით.
შეხვედრები ფსიქოლოგთან, შეხვედრები ექიმ-გინეკოლოგებთან, ფორუმ-თეატრის მოგზაურობა, რადიოგადაცემა, დებატები მიგრაციის თემაზე, ვორკშოპები გოგონებთან გენდერული თანასწორობისა და ფემინიზმის თემაზე, ტრენინგი თემაზე „ოჯახში ძალადობის პრევენცია", მრგვალი მაგიდა ნარკომანიის თემაზე, იურისტის გაკვეთილი სკოლის მოსწავლეებთან, ახალი ბროშურის გამოცემა „ოჯახში ძალადობის პრევენცია", საინტერესო ისტორიები და ჩანახატები ქალების შესახებ...
ყოველივე ეს ასახულია ჟურნალის ახალ ნომერში.
მასალების მიხედვით განსაკუთრებით თვალშისაცემია ფონდი „სოხუმის" საქმიანობის მასშტაბი - ქუთაისი, ხონი, ოზურგეთი, ლანჩხუთი, ფოთი, წყალტუბო და აფხაზეთის საზღვართან მდებარე, ზუგდიდის რაიონის სოფელიხურჩა, სადაც ახლახან გაიხსნა ქალთა მხარდაჭერის ცენტრი...
მკითხველი, რომელიც ყოველთვის მოუთმენლად ელოდება ჟურნალის გამოსვლას, კვლავაც ინტერესით გაეცნობა „ქალთა ხმის" მესამე ნომერს.
„ქალთა ხმის" ახალი ნომერი ასახავს იმ დიდ მუშაობას, რომელიც მიმდინარეობს ქალთა განვითარების მიზნით მთელს დასავლეთ საქართველოში.
ჟურნალში წარმოდგენილია საინტერესო მასალები: ფორუმი ქალთა სოლიდარობის თემაზე, ტრენინგი ფონდი „სოხუმის" თანამშრომლებისათვის ოჯახში ძალადობის თემაზე, მუშაობა ახალგაზრდებთან, შეხვედრები ქალთა მხარდაჭერის ცენტრებში, ფსიქოლოგის საქმიანობის ერთ-ერთი მეთოდი - არტთერაპია, საზოგადოებრივი დებატები, რადიომონოლოგი...
როგორც ყოველთვის, მკითხველი ახლაც ინტერესით გაეცნობა ფონდი „სოხუმის" პეიროდულ გამოცემას.
სამ თვეში ერთხელ გამოვა „ქალთა ხმა" საერთო რუბრიკით „ქალი და მშვიდობა".
სამშვიდობო მიმართულების ჟურნალი ყველაზე ძველია ფონდი „სოხუმის" საინფორმაციო გამოცემებში.
აპრილში გამოვიდა ჟურნალის პირველი ნომერი. მასში აისახა ბოლო ოთხ თვეში ჩატარებული მუშაობა.
ამჟამად განსაკუთრებული აქცენტი სამშვიდობო საქმიანობაში ახალგაზრდებზე კეთდება და ეს კარგად ჩანს ჟურნალის ფურცლებზე.
მკითხველი კვლავაც ბევრ საინტერესო ინფორმაციას მიიღებს, გაეცნობა ფონდი „სოხუმის" ახალ გამოცემებს „მშვიდობისმყოფელ ქალთა დიალოგი" და „მასწავლებლის მოგზაურობა კავკასიაში".
იმედია, ყველა თაობის მკითხველი თავისთვის საინტერესოს იპოვის „ქალთა ხმაში".
პროექტიხორციელდებაშვედეთისქალთაორგანიზაცია „ქალებიქალებისათვის" (KVINNA TILL KVINNA) მხარდაჭერით.
ჟურნალის მეორე ნომრის გამოსვლა წინასაარჩევნო პერიოდს დაემთხვა. ამიტომაც განსაკუთრებულ შინაარსს იძენს ამ საინფორმაციო გამოცემის მთავარი მიზანი -ქალთა პოლიტიკური აქტივობის პროპაგანდა.
ჟურნალში თავმოყრილია სტატიები, რომლებიც საინტერესო თემებზე მოუთხრობს მკითხველს - გენდერული თანასწორობის შესახებ კანონპროექტის დადებითი და უარყოფითი მხარეები; ფონდი „სოხუმის" ამომრჩეველ ქალთა კლუბების მუშაობა; ლიდერი ქალების პორტრეტები; გენდერული საკითხი ილია ჭავჭავაძის პუბლიცისტიკაში; ქალთა ელექტორატის ხედვა თანასწორობათან დაკავშირებით.
ჟურნალის ქართულ ვერსიას გაეცნობიან დასავლეთ საქართველოს ამომრჩეველ ქალთაკლუბებისა და პოლიტიკური პარტიების წევრები, ხოლო რუსული ვერსია ელექტრონული სახით გაიგზავნა ყველა ქსელში.
თექვსმეტ გვერდზე ბევრ რამეს გაეცნობა მკითხველი: ბათუმელ ქალთა შეხედულება ძალადობის პრობლემაზე, ხობში ჩატარებული ტრენინგის მონაწილეთა დამოკიდებულება თანასწორობისადმი... დაფიქრდება რეპროდუქციულ ჯანმრთელობაზე, იმაზეც, რატომ გარბის სახლიდან 12 წლის ბიჭუნა. გაიგებს, რომ ზოგჯერ ფსიქოლოგსაც სჭირდება ფსიქორეაბილიტაცია.
საზოგადოებასთან მუშაობა, ქალები ჩვენს გვერდით, ინტერვიუ ფსიქოლოგთან, სარედაქციო ფოსტა - ამ ძირითად რუბრიკებზეა აგებული ჟურნალ "ქალთა ხმის" ახალი, 2010 წლის პირველი ნომერი.
ჟურნალი, წელსაც კვლავინდებურად ორ თვეში ერთხელ გამოვა. ქართული ვერსია - ნაბეჭდი სახით, რუსული კი - ელექტრონული ვერსიით გავრცელდება.
