კულტურულ-ჰუმანიტარული ფონდი „სოხუმი“ http://fundsokhumi.ge/ Site news Wed, 01 Sep 2010 11:05:57 GMT uCoz Web-Service ლიდერ გოგონათა სკოლა მუშაობას აგრძელებს

ფონდ „სოხუმში" ლიდერ გოგონათა სკოლის მოსწავლეები შეიკრიბნენ. სამდღიანი ტრენინგის თემა იყო - ლიდერობა და კონფლიქტი. ლიდერთა სკოლის მოსწავლეებისთვის ეს უკვე მეორე ტრენინგია. პირველი დღე საშინაო დავალების განხილვას მიეძღვნა. დავალება ასეთი იყო: მონაწილეებს ერთი თვის განმავლობაში უნდა ჩაეტარებინათ ორი სახის კვლევა თავიანთ ქალაქებში: რაოდენობრივი (ანკეტირება ახალგაზრდებთან) და თვისობრი (ხუთი ჩაღრმავებული ინტერვიუ ლიდერ ქალებთან).

მონაწილეები ჯგუფური მუშაობით შეეცადნენ გაეკეთებინათ სიტუაციური ანალიზი რა მდგომარეობაა საკუთარ ქალაქებში ქალთა ლიდერობის თვალსაზრისით, რა აზრის არიან ახალგაზრდები ამ საკითხების მიმართ.

სოციალური კონფლიქტები, კონფლიქტის პიროვნული ელემენტები, დინამიკა, მართვა, კონფლიქტის ანალიზი - გოგონები დანარჩენი ორი დღე ამ მიმართულებით მუშაობდნენ. ტრენინგზე გამოყენებული იყო ჯგუფური სავარჯიშოები, როლური თამაშები.

 მონაწილეები თვლიან, რომ ტრენინგებმა მათში ბევრი რამ შეცვალა:

- ჩემი ახლობლები ამჩნევენ, რომ შევიცვალე, უფრო თამამი და დამოუკიდებელი გავხდი.

- როცა ბევრი პრობლემები მაქვს, ჩემს თავს ვეუბნები: შენ უნდა შეძლო პრობლემების მოგვარება - შენ ეს შეგიძლია.

ტრენინგის დასასრულს ლიდერთა სკოლის მოსწავლეებმა მომდევნო დავალება მიიღეს, თითოეულმა მათგანმა თითო ვორკშოპი უნდა ჩაატაროს თავის ქალაქში, თემაზე: ლიდერობა და კონფლიქტი.
 
პროექტი ხორციელდება შვედეთის ქალთა ორგანიზაცია „ქალები ქალებისათვის" (KVINNA TILL KVINNA) მხარდაჭერით.
]]> http://www.fundsokhumi.ge/news/2010-09-01-262 ტრენინგ-სემინარები moderatori http://www.fundsokhumi.ge/news/2010-09-01-262 Wed, 01 Sep 2010 11:05:57 GMT პრეს-რელიზი

იმერეთის რეგიონის საკრებულოების დეპუტატი ქალებისა და ფონდი "სოხუმის”

აქტივისტების გაფართოებული შეხვედრა

 

3 სექტემბერს, სასტუმრო "იმპერიალის” საკონფერენციო დარბაზში  (ქუთაისი, მჭედლიძის №28), ფონდი "სოხუმი” დემოკრატიის ეროვნული ფონდის მხარდაჭერით მართავს შეხვედრას, რომელზეც  იმერეთის რეგიონის საკრებულოს წევრი ქალები და საზოგადოების წარმომადგენლები  შეიკრიბებიან.

შეხვედრის ძირითადი ნაწილი ფონდი "სოხუმის” მიერ გამოცემული წიგნების პრეზენტაციას მიეძღვნება.
 
Donwload>>>

]]> http://www.fundsokhumi.ge/news/2010-09-01-257 მიმართვები და ღია წერილები admin http://www.fundsokhumi.ge/news/2010-09-01-257 Tue, 31 Aug 2010 22:25:42 GMT შეხვედრები რეპროდუქციული ჯამრთელობის თემაზე

 აგვისტოს თაკარა სიცეების მიუხედავად რეპროდუქციული ჯამრთელობის თემაზე შეხვედრებს ქალთა რაოდენობა არ აკლდება...

 აქტუალურია თითოეული საკითხი რომელიც იხილება შეხვედრებზე, თითოეულ ქალბატონს გულდასმით უსმენს ექიმი-რეპროდუქტოლოგი და შეკითხვებს ამომწურავ პასუხებს სცემს...

 შეხვედრები ქალთა მხარდაჭერის ცენტრებში  ქუთაისში (31.08.10), ფოთში (04.08.10), წყალტუბოში (25.08.10), ხონში (26.08.10), სენაკში (09.08.10) და ზუგდიდის რ-ნ სოფელ ხურჩაში (23.08.10) ჩატარდა.

 "თქვენი შეხვედრები ჩვენთვის ძალიან საჭიროა, აქ ვღებულობთ უამრავ სასარგებლო ინფორმაციას, გვაქვს საშუალება სპეციალისტს შევეკითხოთ, მოვუყვეთ ჩვენს ჯამრთელობასთან დაკავშირებულ პრობლემებზე, ქალთა მხარდაჭერის ცენტრი ჩვენთვის ერთადერთი ადგილია სადაც ამის საშაულება გვეძლევა.... ”
 

   პროექტი ხორციელდება: გერმანიის ორგანიზაცია EED-ს, ეკლესიათა განვითარების სამსახურის მხარდაჭერით.

]]> http://www.fundsokhumi.ge/news/2010-08-31-253 შეხვედრები moderatori http://www.fundsokhumi.ge/news/2010-08-31-253 Tue, 31 Aug 2010 07:44:24 GMT მასტერ კლასი კულინარიაში

ქალთა მხარდაჭერის ცენტრი ეს არის ადგილი ქალებისათვის, სადაც მათ საშუალება აქვთ მიიღონ ცოდნა სხვადასხვა საკითხებში, არამედ ერთმანეთს გაუზიარონ ის ცოდნა და გამოცდილება, რაც მათ თავიანთი ცხოვრების განმავლობაში შეითვისეს.

  აგვისტოს თვეში 6-ივე ქალაქში, სადაც ქალთა მხარდაჭერის ცენტრი ფუნქციონირებს, ჩატარდა მასტერ კლასი კულინარიაში.  თეორიული ნაწილის მოსმენის შემდეგ მომზადების პროცესში მონაწილეებიც ჩაერთნენ, ერთობლივი ძალისხმევით მომზადდა ნამცხვრები, სალათები და ღვეზელები რომლებიც შემდგომში მონაწილეების მიერ იქნა დაგემოვნებული.

 

პროექტი ხორციელდება: გერმანიის ორგანიზაცია EED-ს, ეკლესიათა განვითარების სამსახურის მხარდაჭერით.

 

]]> http://www.fundsokhumi.ge/news/2010-08-30-255 მასტერ-კლასები moderatori http://www.fundsokhumi.ge/news/2010-08-30-255 Mon, 30 Aug 2010 07:55:13 GMT იურიდიული კონსულტაციები

აგვისტოში ქალთა მხარდაჭერის ცენტრებში მოეწყო იურიდიული კონსულტაციები.

 მიმდინარე თვეში განხილული  იყო ისეთი საკითხები როგორიცაა: განქორწინება, მასწავლებელთა უფლებები, საქორწინო ხელშეკრულება, სესხის ხელშეკრულება, მეურვეობა, მემკვიდრეობა და ანდერძი,  ეს ის საკითხებია, რომელთა მიმართაც განსაკუთრებული დაინტერესება გამოიჩინეს დევნილმა ქალებმა იურისტთან შეხვედრის დროს.

 შეხვედრებზე ასევე ძირითადი ყურადღება დაეთმო იძულებით გადაადგილებულ პირთა დევნილთა მიმართ სახელმწიფო სტრატეგიიდან გამომდინარე  დევნილთა საცხოვრებლით უზრუნველყოფის პროცესში  დევნილთა უფლებებს.

 

               პროექტი ხორციელდება: გერმანიის ორგანიზაცია EED-ს, ეკლესიათა განვითარების სამსახურის მხარდაჭერით.

]]> http://www.fundsokhumi.ge/news/2010-08-27-254 კონსულტაციები moderatori http://www.fundsokhumi.ge/news/2010-08-27-254 Fri, 27 Aug 2010 07:48:28 GMT ფსიქოლოგის კონსულტაციები

ქუთაისის სხვადასხვა კოლექტიურ ცენტრებში რვა ჯგუფური და ხუთი ინდივიდუალური შეხვედრა ჩატარდა აფხაზეთიდან იგპ ქალებთან.

ქალები ხშირად უჩივიან ცუდ განწყობას. ფსიქოლოგი მათ რჩევას აძლევს, შეძლონ თავისი ემოციების მართვა: „თქვენ დილიდან სული აფორიაქებული გაქვთ, განწყობა ნულია. გაბრაზებული ხართ ყველაზე, უცებ ატირდა ბავშვი, აგყავთ ის ხელში, რათა დააწყნაროთ. თქვენ იცვლებით. უნდა დააწყნაროთ ბავშვი. თქვენ შეგიძლიათ ამის გაკეთება, არ არის საჭირო საკუთარი თავის მოტყუება. საკუთარ ემოციებს თქვენ თვითონ აღძრავთ".

 

პროექტი ხორციელდება: გერმანიის ორგანიზაცია EED-ს, ეკლესიათა განვითარების სამსახურის მხარდაჭერით.

]]> http://www.fundsokhumi.ge/news/2010-08-27-261 კონსულტაციები admin http://www.fundsokhumi.ge/news/2010-08-27-261 Thu, 26 Aug 2010 23:07:05 GMT რადიოგადაცემა “ძველი ქალაქის” ეთერით

26 აგვისტოს "ძველი ქალაქის” ეთერით  მორიგი რადიომონოლოგები გავიდა.

ტელეჟურნალისტის მიერ შეკრებილი ქალების ანონიმური ისტორიები კიდევ ერთხელ გვახედებენ ოჯახური ისტორიების რთულ ლაბირინთებში და გვაჩვენებენ,  რამდენად ფაქიზი და მოსაფრთხილებელია ადამიანური ურთიერთობები.

"არიან დედები, რომლებიც მესაკუთრეები არიან და მხოლოდ შვილების მიმართ გასცემენ სითბოს”.

... ვერ აიტანა, რომ შვილის მხრიდან ყურადღება მოაკლდა, მე დამადანაშაულა ამაში.

...ცალკე ცხოვრებამაც არ გვიშველა, იქაც მოგვწვდა. ვერ ვამხელ, რომ შვილი მეუღლის მიზეზით არ გვყავს, დედამთილი კი ამის გამო მაწიოკებს.

ნელნელა ბზარი ეპარება ჩვენს ურთიერთობებს”.

მეორე მონოლოგიც ტკივილიან ისტორიას მოგვითხრობს : "ჩემმა ყოფილმა მეუღლემ მომიტაცა. ძალადობით შემნილი ოჯახის პირობაზე არ ვიყავი ცუდი მეუღლე, ცუდი  დედა, ცუდი რძალი. ოჯახი რომ შემენარჩუნებინა, მეორე შვილიც გავაჩინე. ჩემი ოჯახის სიმტკიცეს ჭორმა მოუღო ბოლო, რომელმაც წელში გამტეხა.

...რომ ვყვარებოდი, ამ ტკივილისთვის არ გამიმეტებდა!..”

გადაცემის მსვლელობისას ფონდის მიერ მომზადებული სოციალური რგოლი ჟღერდა.

 

პროექტი ხორციელდება: გერმანიის ორგანიზაცია EED-ს, ეკლესიათა განვითარების სამსახურის მხარდაჭერით.

 

]]> http://www.fundsokhumi.ge/news/2010-08-26-256 რადიო გადაცემები moderatori http://www.fundsokhumi.ge/news/2010-08-26-256 Thu, 26 Aug 2010 09:26:55 GMT ფსიქოლოგის შეხვედრები

ფსიქოლოგთან შეხვედრის დროს იგპ ქალები მუდმივად საუბრობენ თავიანთ ცუდ განწყობაზე, დანაკარგებზე, მწუხარებაზე, უკმაყოფილებაზე. ფსიქოლოგის აზრით ისინი  ორმაგად ვნებენ საკუთარ ჯანმრთელობას.

„მოდით, ვკითხოთ საკუთარ თავს, რატომ უნდა ვიდარდოთ ცუდის გამო. თქვენ გაქვთ ჭკუა და სული, გამოიყენთ ისინი დანიშნულებისამებრ. სულისთვის დატოვეთ სიხარული, პრობლემებზე კი ჭკუამ იზრუნოს. იდარდოთ მხოლოდ ცუდზე, ეს მარტო რაღაცის  კონსტანტაცია არ არის, ნეგატიური დატვირთვაა, არ ღირს ამის გაკეთება. ცუდის დავიწყება ყოველთვის რთულია. გულთან ახლოს მიიტანეთ არა ცუდი, არამედ ნათელი. დაიმახსოვრეთ, - ვისაც შეუძლია კმაყოფილება, ის ყოველთვის კმაყოფილია".

ქალთა მხარდაჭერის ცენტრებში  ჩატარდა 6 ჯგუფური და ოთხი ინდივიდუალური შეხვედრები. მონაწილეობა მიღო 76-მა იგპ ქალმა.

 

პროექტი ხორციელდება: გერმანიის ორგანიზაცია EED-ს, ეკლესიათა განვითარების სამსახურის მხარდაჭერით.

]]> http://www.fundsokhumi.ge/news/2010-08-26-260 შეხვედრები admin http://www.fundsokhumi.ge/news/2010-08-26-260 Wed, 25 Aug 2010 23:05:50 GMT ამომრჩეველ ქალთა კლუბი წყალტუბოში

ერთი წელიწადია რაც წყალტუბოს ამომრჩეველ ქალთა კლუბმა თავისი საქმიანობა დაიწყო. კლუბის მორიგ შეხვედრაზე მონაწილეებმა ერთხმად აღნიშნეს, რომ პროექტის ფარგლებში ჩატარებული ღონისძიებები - შეხვედრები თუ ტრენინგები ძალიან საინტერესო იყო.

კლუბის წევრებმა გასული ერთწლიანი მუშაობა ასე შეაფასეს:

- ნაყოფიერი და საქმიანი შეხვედრები გვქონდა.

- საშუალება მოგვეცა საკუთარ პრობლემებზე გვესაუბრა.

- უკეთ გავეცანით ჩვენს უფლებებს. მივიღეთ ინფორმაციები საარჩევნო კანონმდებლობის შესახებ. ადგილობრივი თვითმმართველობის ორგანოების უფლება-მოვალეობებზე.

კლუბის წევრები მიიჩნევენ, რომ აუცილებელია კლუბმა მომავალშიც გააგრძელოს თავისი საქმიანობა, რაც ქალთა გააქტიურებას და მათი შესაძლებლობების  რეალიზებას შეუწყობს ხელს.

 

პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)

]]> http://www.fundsokhumi.ge/news/2010-08-25-259 კლუბები admin http://www.fundsokhumi.ge/news/2010-08-25-259 Tue, 24 Aug 2010 22:48:41 GMT ამომრჩეველ ქალთა კლუბი ბათუმში

ერთწლიანი მუშაობის შეფასება,რეზულტატები,პლიუსები და მინუსები -  თავის არსებობის მეოთხე წილიწადს ბათუმის ამომრჩეველ ქალთა კლუბი გასული წლის მუშაობის შეფასებას შეეცადა.

- მიმდინარე წელი გამორჩეული იყო წინა წლებისაგან. შეხვედრების თემატიკა გახდა მრავალფეროვანი, გავაფართოვეთ საქმიანობის არეალი, გადავახალისეთ ჯგუფები - ინგა მებონია, ბათუმის ქალთა კლუბის ლიდერი.

- ასეთი ტიპის შეხვედრები თანამშრომლობისა და აზრთა გაზიარების ძალიან კარგი შესაძლებლობაა -  ცისო ჩხეიძე.

კლუბის წევრთა აზრით ეს წელი იმითაც იყო გამორჩეული, რომ ჩატარდა ადგილობრივი თვითმმართველობის არჩევნები. კლუბის მუშაობა ამ  თვალსაზრისით საგრძნობლად გააქტიურდა. წინა წლებში ბათუმის საკრებულოში არცერთი ქალი არ იყო წარმოდგენილი - წელს კი მათი რაოდენობა ოთხია. ერთ-ერთი მათგანი - ნაზიბროლა ქობულაძე ამომრჩეველ ქალთა კლუბის წევრია.

კლუბის წევრთა სურვილია მუშაობა პროექტის ფარგლებში მომავალშიც გაგრძელდეს, რაც ხელს შეუწყობს ქალთა კიდევ უფრო გააქტიურებას პოლიტიკაში და საზოგადოებრივ ცხოვრებაში.
 
პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)
]]> http://www.fundsokhumi.ge/news/2010-08-24-252 კლუბები moderatori http://www.fundsokhumi.ge/news/2010-08-24-252 Tue, 24 Aug 2010 07:36:42 GMT