ქუთაისის, ხონის, წყალტუბოს ქალთა მხარდაჭერის ცენტრებში ფსიქოლოგმა სამი შეხვედრა ჩაატარა, მასში მონაწილეობა მიიღო 30-ზე მეტმა ქალმა. შეხვედრას მოზარდებიც ესწრებოდნენ, რომლებმაც ფსიქოლოგის დახმარებით არტ-თერაპია გაიარეს.
შეხვედრებზე ქალები ფსიქოლოგთან ერთად დგამენ თეატრალურ წარმოდგენას და შორიდან აფასებენ რეალობას.უმკლავდებიან სიძნელეებს და იძენენ ცხოვრებისეულ უნარ-ჩვევებს. ასეთი პატარა წარმატებები კვებავს ქალებს და აძლევს მათ თვითდაჯერებულობას.
იანვრის თვეში DRC-ის პროექტის ფარგლებში 12 საინფორმაციო შეხვედრა ჩატარდა ქუთაისისა და წყალტუბოსსხვადასხვა კოლექტიურ ცენტრებში.
შეხვედრებზე გაირკვა, რომ კოლექტიური ცენტრების უმრავლესობას სხვადასხვა სახის პრობლემები აწუხებს, რაც ძირითადად განსახლების საკითხებს უკავშირდება.
კმაყოფილებას გამოთქვამენ ყოფილი სასტუმრო „სათაფლიაში" მცხოვრები დევნილები, რომლებსაც შენობა გაურემონტეს და კერძო მფლობელობაში გადასცეს. მაგრამ გარკვეული პრობლემები იქაც არსებობს, რაც მათი თქმით, ფართის არასწორად განაწილებას უკავშირდება.
გაურკვეველ მდგომარეობაში არიან წყალტუბოს სანატორიუმებში მცხოვრები დევნილები.
საინფორმაციო შეხვედრები მომდევნო თვეშიც გაგრძელდება და დევნილები საჭიროინფორმაციებს მიიღებენ განახლებასთან დაკავშირებით.
ხონის კოლექტიურ ცენტრში გაჭიანურებული და დაუმთავრებელი სარემონტო სამუშაოები. მიმდებარე ტერიტორიაზე არსებული ანტისანიტარია,ინფექციური დაავადებების გავრცელების საფრთხე ბავშვებში - ამ და სხვა პრობლემების განხილვით დაიწყო მუშაობა ხონის ამომრჩეველ ქალთა კლუბმა, რომლის წევრებიც არიან დევნილი ქალები, პედაგოგები, იურისტები და სხვა პროფესიის ქალბატონები.
კლუბის წევრები მიიჩნევენ, რომ ადგილობრივი თვითმმართველობის არჩევნებში საკუთარი კანდიდატურის წარდგენაზეც იმუშავებენ, რათა სხვადასხვა პრობლემების მოსაგვარებლად საკუთარი ლობისტი ჰყავდეთ ადგილობრივ თვითმმართველობაში.
პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)
ფონდ „სოხუმში" გოგონათა კლუბის „მინდა ყველაფერი ვიცოდე აფხაზეთზე" წევრები შეიკრიბნენ.მონაწილეები გაეცნენ აფხაზეთის გეოგრაფიას, ქალაქებს, რაიონებს.
შეხვედრაზე მოწვეულნი იყვნენ დევნილი ქალები გალიდან, გულრიფშიდან, ოჩამჩირიდან, გაგრიდან, ტყვარჩელიდან, რომლებმაც საკუთარი ქალაქის ისტორიაზე მოუთხრეს ახალგაზრდებს.
კლუბის მუშაობას განსაკუთრებული ელფერი შეჰმატა სოხუმიდან ჩამოსული აფხაზი ქალის სტუმრობამ, რომელმაც გულისტკივილით ისაუბრა კონფლიქტის შედაგად შეწყვეტილი ქართულ-აფხაზური ურთიერთობის შედეგებზე, იმედი გამოთქვა, რომ ისევ ხალხის ძალისხმევით უნდა მოხდეს ამ ურთიერთობის აღდგენა.
შეხვედრას ესწრებოდა Kvinna till Kvinna-ს კოორდინატორი საქართველოში ანიკა კარლსონი.
პროექტიხორციელდებაშვედეთისქალთაორგანიზაცია „ქალებიქალებისათვის" (KVINNA TILL KVINNA) მხარდაჭერით.
„როცაადამიანიბრაზობს, ისსაკუთარსულშიარუშვებსსიკეთეს, სავსეა აგრესიით, უარყოფითი ენერგიით, ეს ყველაფერი შიგნიდან ანგრევს მის შინაგან სამყაროს." - ამბობენ ქალები ფსიქოლოგის შეხვედრებზე.
„ისწავლეთ საკუთარი სხეულისათვის სიკეთისა და სიყვარულის გაგზავნა, - ურჩევს მათ ფსიქოლოგი.
იანვრის თვეში ფსიქოლოგმა 12 ჯგუფური და 7 ინდივიდუალური შეხვედრა ჩაატარა. ქუთაისში, ხონში, წყალტუბოში, სხვადასხვა კოლექტიურ ცენტრებში მცხოვრებმა 86 დევნილმა ქალმა გაიარა ფსიქორებილიტაცია.
ზუგდიდის ამომრჩეველ ქალთა კლუბმა თავის წევრებს წმინდა გიორგის სახელობის გიმნაზიაში უმასპინძლა.
გიმნაზიის დირექტორმა და კლუბის ლიდერმაქალბატონმა მანანა ნაჭყებიამ მოწვეულ სტუმრებს საშობაო ზეიმი მოუწყო.
გიმნაზიის მოსწავლეებმა სცენაზე საშობაო რიტუალი შეასრულეს. დამსწრეთ შესაძლებლობა მიეცათ ენახათ ფილმი,გიმნაზიაში პატრიარქის ვიზიტზე. გაცნობოდნენ საშობაო ეპისტოლეს.
მეორე ნაწილში კლუბი საქმიან რეჟიმში გადავიდა. მონაწილეები გაეცნენ კლუბის მუშაობის სამოქმედოგეგმას. მორიგ შეხვედრაზე ზუგდიდში მოქმედიპოლიტიკური პარტიების წარმომადგენელი ქალების მოწვევაა დაგეგმილი.
პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)
26 იანვარს, ქალაქ ფოთში, საკრებულოს საააქტო დარბაზში შედგა შეხვედრა, რომელზეც შეიკრიბნენ ფოთის ადგილობრივი ხელისუფლების, სამოქალაქო სექტორის, პოლიტიკური პარტიების, მას-მედიის წარმომადგენელი ქალები. შეხვედრა შედგა პროექტის - "საზოგადოების ინფორმირება კვლევის "დიალოგის პროცესი უსაფრთხოების გარანტიებზე ქართულ-აფხაზური კონფლიქტის კონტექსტში” გარშემო,რომელსაც საერთაშორისო ორგანიზაცია "საერთაშორისო განგაში” აფინანსებს. ეს პროექტის ფარგლებში გამართული მეორე შეხვედრა იყო.
შეხვედრის ორგანიზატორებს აქვთ მიზანი, გააცნონ მონაწილეებს ქართველი და აფხაზი ექსპერტების კვლევები და საკითხის ირგვლივ საზოგადოებრივი დისკუსიების შედეგები კი თვალსაჩინო გახადონ სპეციალისტებისა და სახელისუფლებო სტრუქტურებისათვის.
ფოთში გამართულმა შეხვედრამ ქალთა სხვადასხვა ჯგუფების დამოკიდებულება განსაზღვრა ომის განუახლებლობის შესახებ ხელშეკრულებისა და ამ ხელშეკრულებით გასათვალისწინებელი პირობების მიმართ.
მონაწილეთა პოზიციით, კონფლიქტის მშვიდობიანი გადაწყვეტის გზას ალტერნატივა არა აქვს, ამ გზაზე კი აუცილებელია არსებობა ხელშეკრულებისა, რომელიც განსაზღვრავს მხარეების ვალდებულებას, არ გამოიყენონ ძალა, დაიცვან ადამიანის უფლებები და ა.შ.
რა რისკებთან არის დაკავშირებული საქართველოსთვის ამ ხელშეკრულების დადება; ვინ უნდა იყვნენ მისი შესრულების გარანტები; რომელი მხარეები უნდა მოვიაზროთ მთავარ სუბიექტებად; რომელია ის პირობები, რომლებიც აუცილებლადუნდა ჩაიდოს ხელშეკრულებაში; რა წინადადებები, რეკომენდაციები აქვთ მათ საკითხის პოზიტიურად გადაწყვეტის საკითხში - ეს იყო ძირითადი საკითხები, რომელთა ირგვლივ გაიმართა დისკუსიები.
პროექტიხორციელდება „საერთაშორისოგანგაშის" (International Alert, დიდიბრიტანეთი) მხარდაჭერით.
ქალთა მხარდაჭერის ცენტრებში ქუთაისში, ხონში, წყალტუბოში სამი შეხვედრა ჩატარდა. იურიდიული კონსულტაციები მიიღეს სტუდენტებმა, მოსწავლეებმა, სხვადასხვა ასაკის დევნილმა ქალებმა.
იურისტი აღნიშნავს, რომ დევნილთათვის აქტუალურია განსახლების პრობლემა, ამიტომაც ისინი ძირითადად ამ საკითხებზე ითხოვენ კონსულტაციებს. მათთვის ასევე მნიშვნელოვანია სოციალური საკითხები, მოქალაქეობის მიღებასთან დაკავშირებული საკითხები. პენსიონრები ითხოვენ კონსულტაციებს დევნილთათვის სამუშაო სტაჟის აღდგენის წესებზე.
მოსწავლეები , სტუდენტები იურისტისგან საკუთარ უფლებებზე და იმ იურიდიულ დოკუმენტებზე იღებენ ინფორმაციებს, რომელიც უფლებათა დაცვას ემსახურება.
პროექტი ხორციელდება: გერმანიისორგანიზაცია EED-ს, ეკლესიათაგანვითარებისსამსახურისმხარდაჭერით.
- ქალთა უფლებები და მისი როლი მშვიდობის მშენებლობაში, რეზოლუცია 1325 - ამ და სხვა საკითხების განხილვით დაიწყო წყალტუბოში, ქალთა მხარდაჭერის ცენტრში გოგონებთან შეხვედრა.
„რაც დრო გადის, მით უფრო ვრწმუნდები, რომ ის თემები, რომელიც შეხვედრებზე განიხილება, საჭირო და მნიშვნელოვანია, რადგან გოგონებს უნდა ჰქონდეთ ცოდნა საკუთარ უფლებებზე, უნდა იცოდნენ რა სახის კანონები არსებობს, რათა ეს ყველაფერი შემდეგ პრაქტიკულადაც გამოიყენონ", - ეკა ქვაჩახია.
მონაწილე გოგონები თვლიან, რომ მსგავსი შეხვედრები ხელს შეუწყობსგოგონათა ინფორმირებას საკუთარ უფლებებზე და შეამცირებს ძალადობის ფაქტებს.
პროექტი ხორციელდება: გერმანიისორგანიზაცია EED-ს, ეკლესიათაგანვითარებისსამსახურისმხარდაჭერით.
საკრებულოს წევრმა და ამომრჩეველ ქალთა კლუბის აქტიურმა ლიდერმა ქალბატონმა მანანა შულაიამ ფონდი „სოხუმის" მიერ გამოცემული სახელმძღვანელოს - ქალთა ლიდერობის ფენომენის პრეზენტაცია გააკეთა. აღნიშნა, რომ წიგნი შთამბეჭდავია და მისი გაცნობა ქალბატონებს ბევრ საინტერესო ინფორმაციას მიაწოდებს ქალთა ლიდერობის ფენომენზე.
ფონდი „სოხუმის" წარმომადგენლებმა კლუბის წევრებს კლუბის მუშაობისა და პოლიტიკურ პარტიებთან თანამშრომლობის სტრატეგია წარმოუდგინეს.
პარალელურად განიხილეს ხობის ამომრჩეველ ქალთა კლუბის წევრთა სამუშაო გეგმაც,
- წლის განმავლობაში ქალბატონები არაერთ საინტერესო ღონისძიებას გეგმავენ: შეხვედრები წარმატებულ ქალებთან, პოლიტიკოსებთან, სხვადასხვა სტრუქტურის წარმომადგენლებთან.
დაიგეგმა ამომრჩეველ ქალთა კლუბის გასვლითი შეხვედრები ხობის სოფლებში, მოსახლეობის პრობლემების უკეთ გასაცნობათ.
პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)
რადიო "ძველი ქალაქის” ეთერით მორიგი ანონიმური რადიომონოლოგები გავიდა. მსმენელი ქალების მორიგი ცხოვრებისეული დრამის მოწმე ხდება:
... თურმე შეიძლება ტკივილი ძალიან ახლობელმა ადამიანმა მოგაყენოს...
ოჯახური ძალადობა სწორედ ამიტომ არის ძალიან საშიში - ის ადამიანის ფუნდამენტალურ ღირებულებებს აუფასურებს, მოუშუშებელ ტკივილს აყენებს მას. სოციალური დეზორიენტაციის შედეგები კი უმძიმესია პიროვნებისთვის, მის ირგვლივ მყოფი ადამიანებისათვის.
მონოლოგებისთვის ერთგვარი ფონია ფონდი "სოხუმის” აუდიორგოლები, რომლებიც პერიოდულად ჟღერენ დამიზნად ისახავენ, მსმენელმაძალადობის პრობლემის მთელი საფრთხე გააცნობიეროს.
22 იანვარს პირველი ტელეგადაცემა ჩატარდა პროექტის ფარგლებში, რომელიც რეგიონალურ დონეზე ქალთა პოლიტიკური მონაწილეობისა და ამომრჩეველ ქალთა ლიგის მხარდაჭერას ისახავს მიზნად.
გადაცემის პირველ ნახევარში ნაჩვენები იყო ფონდის ტელეჟურნალისტების მიერ მომზადებული ტელესიუჟეტი, რომელიც კიდევ ერთხელ ახსენებდა მაყურებელს, რით იყო აღსანიშნავიპროექტის განვლილი ეტაპი, რომელმა ღონისძიებებმა მოიტანეს ყველაზე თვალსაჩინო შედეგები, რა დასკვნები გაკეთდა, რა სტრატეგია იქნა არჩეული პროექტის ახალი ეტაპის წარმატებით წარმართვისათვის.
ქუთაისის ამომრჩეველ ქალთა კლუბის წევრები (გადაცემის მონაწილეთა უმრავლესობას ისინი წარმოადგენდნენ) მიესალმებიან კლუბების გეოგრაფიის გაზრდას.
"ამომრჩეველ ქალთა კლუბებმა ქალური კონსოლიდაციის ნიმუში უნდა უჩვენონ საქართველოს ამომრჩეველს,”- ასეთი სურვილი გამოთქვეს მისმა წევრებმა.
დისკუსიის თემა გახდა ზოგადად არჩევნების, როგორც უმნიშვნელოვანესი პოლიტიკური პროცესის მიმდინარეობა საქართველოში.
"შემთხვევითი არ არის, რომ ჩვენ ასე ადრე ვიწყებთ საუბარს 2010 წლის მაისის თვითმმართველობის არჩევნებზე. საქართველოს მომავალი დიდად არის დამოკიდებული იმაზე, როგორი იქნებადემოკრატიის ნიშნული. ქალთა თანაბარი მონაწილეობა პოლიტიკაში მისი განსაზღვრის მნიშვნელოვანი ინდიკატორია.
ამომრჩეველ ქალთა კლუბის მორიგი შეხვედრა ფონდი "სოხუმის” ოფისში ჩატარდა.
„სამართლიანი არჩევნების" რეგიონალური წარმომადგენელი თეონა გოგიშვილი, რომელიც ამავე დროს ამომრჩეველ ქალთა კლუბის წევრია, ორთვიანი ვიზიტით კოსოვოში იმყოფებოდა გრძელვადიან დამკვირვებლად. ქუთაისის ამომრჩეველ ქალთა კლუბის წევრებმა ინტერესით მოისმინეს ინფორმაციები, კოსოვოში მიმდინარე არჩევნებზე.
დაისვა არაერთი შეკითხვა, რამდენად დემოკრატიულად ჩატარდა ადგილობრივი თვითმმართველობის არჩევნები კოსოვოში, როგორი სახის დარღვევები დაფიქსირდა, რა სახის სიახლეები შეიძლება დაინერგოს ჩვენს ქვეყანაში.
თეონა გოგიშვილმა ხაზი გაუსვა იმ ფაქტს, რომ გენდერული პრობლემები იქაც თვალშისაცემი იყო, რადგან საარჩევნო სიებში ქალთა სიმრავლე არ შეინიშნებოდა.
ამომრჩეველ ქალთა კლუბის წევრები თვლიან, რომ საზოგადოება დროულად უნდა იყოს ინფორმირებული პოლიტიკური პარტიების წინასაარჩევნო პროგრამებზე.
პარალელურად, გარკვეული სამუშაოები უნდა იქნეს ჩატარებული ქალთა ელექტორატთან, ქალი კანდიდატების მხარდასაჭერად.
ხონში, ქალთა მხარდაჭერის ცენტრში კლუბის „მინდა ყველაფერი ვიცოდე აფხაზეთზე" შეხვედრა ჩატარდა.
საშობაო არდადეგების შემდეგ ეს იყო პირველი შეხვედრა. შეფასდა გასული წლის საქმიანობა. გოგონებმა კლუბის მუშაობის მნიშვნელობაზე ისაუბრეს. ისინი თვლიან, რომ ბევრი საინტერესო ინფორმაცია დაუგროვდათ, რაც მათთვის ძალზე მნიშვნელოვანია, რადგან აფხაზეთის დავიწყების საშუალება არ ეძლევათ.
შეხვედრის დასასრულს გოგონებმა ისაუბრეს კლუბის მუშაობის მომავალ სტრატეგიაზე, შეიმუშავეს წინადადებები: რა სახის სიახლეები შეიძლება დაინერგოს, რა კუთხით უნდა გაიშალოს მუშაობა.
ბათუმში ჩატარებული ამომრჩეველ ქალთა კლუბი ახალი 2010 წლიდან სასიამოვნო სიახლით დაიწყო - კლუბის ლიდერი, ინგა მებონია აღიარებულ იქნა წლის საუკეთესორადიო-ჟურნალისტადდა ცისო ჩხეიძე წლის საუკეთესო რადიო-პროდიუსერად აჭარაში.მილოცვების შემდეგ კლუბის წევრები აქტიურ სამუშაო რეჟიმში გადავიდნენ.
მონაწილეებმა ნახეს ფონდი „სოხუმის" მიერ მომზადებული ფილმი - „რთული არჩევანი - ქალი პოლიტიკაში". ფილმის ჩვენების შემდეგგაიმართა დისკუსია. მონაწილეების აზრით აღნიშნული ფილმი საინტერესოა და მისი გმირები ბევრ მნიშვნელოვან შეკითხვაზე იძლევიან პასუხს: რატომ უნდა მოვიდეს ქალი პოლიტიკაში, რამდენად რთულია ქალისათვის არჩევანის გაკეთება მოვიდეს პოლიტიკაში.
დისკუსიისას აქცენტი გაკეთდა მოახლოებული ადგილობრივი თვითმმართველობის არჩევნებში ქალთა ჩართულობის გაზრდის აუცილებლობაზე. დაისახა სამომავლო გეგმები:
კლუბის წევრები თვლიან, რომ ეს წელი განსაკუთრებული აქტიურობით უნდა იყოს გამორჩეული. აღინიშნა, რომ აუცილებელია სხვადასხვა პოლიტიკურ პარტიებთან თანამშრომლობის რეჟიმში მუშაობა ქალი კანდიდატების გამოსავლენად და მომავალი ადგილობრივი თვითმმართველობის არჩევნებში გენდერული სურათის შესაცვლელად.
ფონდი "სოხუმის” წარმომადგენლების იანვრის თვის შეხვედრები პოლიტიკურ პარტიებთან მიზნად ისახავს ადგილობრივი თვითმმართველობის არჩევნებისთვისპარტიების მზადების შესახებ ინფორმაციის მოპოვებას და საარჩევნო სიებში მეტი ქალის ჩართულობის პროპაგანდას.
მორიგი შეხვედრა ჩატარდა საქართველოს რესპუბლიკური პარტიის ბათუმის ორგანიზაციაში. პარტიის ლიდერმა, მურმან დუმბაძემ ისაუბრა ადგილობრივ დონეზე მათი პარტიის წევრი ქალების პოლიტიკურ აქტიურობაზე და სამომავლო გეგმებზე არჩევნებისთვის მოსამზადებელ სამუშაოებთან დაკავშირებით.
მისი თქმით, პარტიის წევრი ქალები განსაკუთრებულ მობილიზაციას ავლენენ არამარტო წინასაარჩევნო პერიოდში, ასევე გარკვეული გადაწყვეტილებების მიღების დროს.
პარტიის წარმომადგენლები თვლიან, რომ მათ პარტიაში გენდერული თანასწორობის პრინციპი დაცულია და შესაბამისად, არ ემხრობიან კვოტირების სისტემას. საარჩევნო სიების შედგენა ეფუძვნება პროფესიონალიზმს, ლიდერულ უნარ-ჩვევებს და განათლების მაღალ დონეს.
შეხვედრაზე ხაზი გაესვა, პარტიის წევრი ქალების და ფონდი "სოხუმის” ამომრჩეველ ქალთა კლუბის თანამშრომლობის მნიშვნელობას. დაიგეგმა მათი მონაწილეობა კლუბის მომავალ შეხვედრებზე.
