14 ახალი ორგანიზაცია შეიქმნა პროექტის ფარგლებში. პროექტმა ხელი შეუწყო არა მარტო მათ რეგისტრაციას, არამედ წარმატებულ სტარტსაც: პირველი პროექტების დაწერაც შეძლეს და პირველი გრანტებიც მიიღეს.

მათთვის განსაკუთრებული მნიშვნელობა აქვს სწავლებას. წყალტუბოში ჩატარებულ ორდღიან შეხვედრაზე ამ ორგანიზაციების წარმომადგენლებმა განიხილეს შესაძლებლობების განვითარებისა და პროექტების მართვის საკითხები (ორგანიზატორი - იმერეთის მხარის მეცნიერთა კავშირის „სპექტრი“).

განსაკუთრებული ყურადღება დაეთმო სამოქალაქო საზოგადოების ორგანიზაციების ინსტიტუციურ განვითარებას, ფონდების მოძიებას, ორგანიზაციულ და ფინანსურ მართვას, პროექტების შემუშავებასა და განხორციელებას.

ლანჩხუთში საკონსულტაციო შეხვედრა შედგა. იმერეთის მხარის მეცნიერთა კავშირ „სპექტრის“ წარმომადგენელი შეხვდა ადგილობრივი პარტნიორი ორგანიზაციების: „საქართველოს სასოფლო დარბაზისა“ და „ლანჩხუთის საინფორმაციო ცენტრის“ წევრებს. შეხვედრაზე განიხილეს პროექტის მიმდინარეობასთან დაკავშირებული საკითხები. განსაკუთრებული ყურადღება გამახვილდა ადგილობრივი მოსახლეობის საჭიროებების კვლევებზე, რაც ახლა დაიწყო რვავე მუნიციპალიტეტში, სადაც ხორციელდება პროექტი „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი სახელმწიფო მმართველობის რეფორმის საგზაო რუკის მონიტორინგისთვის.“

 

პროექტი ხორციელდება ევროკავშირის მხარდაჭერით

„ადგილობრივ თვითმმართველობებში ელექტრონული სერვისების განვითარება  მოქალაქეთათვის ელექტრონული სერვისების ხელმისაწვდომობის გაუმჯობესების მიზნით“ – ამ თემაზე გაიმართა მრგვალი მაგიდა ლანჩხუთის მუნიციპალიტეტის  მერიაში. შეხვედრაში მონაწილეობა მიიღეს ადგილობრივი თვითმმართველობის, არასამთავრობო სექტორის, მასმედიის, სასწავლო დაწესებულებების წარმომადგენლებმა.

პროექტის კურატორი ორგანიზაციის  „იმერეთის მხარის მეცნიერთა კავშირ „სპექტრის“ ასისტენტმა თამარ მოსეშვილმა ხაზი გაუსვა სამოქალაქო საზოგადოების ჩართულობის  მნიშვნელობას საჯარო მმართველობის რეფორმის საგზაო რუკის მონიტორინგში. პროექტის პარტნიორი ორგანიზაციის - „საქართველოს სასოფლო დარბაზის“ ხელმძღვანელმა ამირან გიგინეიშვილმა ყურადღება გაამახვილა პროექტის ფარგლებში შემუშავებულ „ელექტრონულ მენეჯერზე“. მეორე პარტნიორი ორგანიზაციის - „ლანჩხუთის საინფორმაციო ცენტრის“ ხელმძღვანელმა დავით გოგიჩაიშვილმა, ადგილობრივი თვითმმართველობის წარმომადგენლებმა და მონაწილე სტეიქჰოლდერებმა  კი ისაუბრეს  მოქალაქეთათვის ელექტრონული სერვისების ხელმისაწვდომობის  ეტაპობრივი განვითარების მნიშვნელობაზე.  

საინტერესო მოგზაურობას გთავაზობთ. ასეთი რამ ჯერ არც გინახავთ და არც გაგიგონიათ.

მოგზაურობა არის ონლაინ - როგორც კოვიდპანდემიის ვითარებას შეეფერება.

მოგვყევით...

პირველი სადგურია - ლანჩხუთის ოფიციალური ვებგვერდი http://lanchkhuti.gov.ge/

გახედეთ ეკრანს მარჯვნივ. ჩამონათვალში თითქოს ყველაფერი ნაცნობია, მაგრამ არის ერთი გამორჩეული დასახელება: ელექტრონული მენეჯერი https://lcman.ge

სწორედ ეს არის სიახლე, რაზეც უნდა გიამბოთ - უნიკალური ვებაპლიკაცია, რომელსაც ანალოგი არ აქვს საქართველოში (და სხვაგანაც). ის საგანგებოდ ლანჩხუთისთვის შეიქმნა.

აპლიკაციის ავტორია ამირან გიგინეიშვილი - რადიოინჟინერი, პროგრამისტი, კონსტრუქტორი, მკვლევარი, ეკონომისტი, პიარის სპეციალისტი.

„აქტიური მოქალაქე - ანგარიშვალდებული ხელისუფლება“  და „ქალთა უფლებებისა და თანასწორობის ცენტრი“ პროექტის ადგილობრივი პარტნიორები არიან ცაგერის მუნიციპალიტეტში. ამ ორგანიზაციების წარმომადგენლებთან ჩაატარა სამუშაო შეხვედრა მეწარმე ქალთა ფონდმა. განხილულ იქნა სამუშაოები, რომლებიც უნდა შესრულდეს მოსახლეობის საჭიროებების შეფასებისთვის (ანკეტირება, ჩაღრმავებული ინტერვიუები, ფოკუს-ჯგუფები).

მაისიდან ორგანიზაციებმა პროექტის ქვეგრანტების კომპონენტის მიხედვით მცირე პროექტებზეც დაიწყეს მუშაობა. შეხვედრაზე ასევე შეათანხმეს პროექტების შესრულების გეგმა-გრაფიკი, რომლის მიხედვითაც ჩატარდება მონიტორინგი.

პროექტს „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ახორციელებს ფონდი „სოხუმი“ იმერეთის მეცნიერთა კავშირ „სპექტრთან“ და მეწარმე ქალთა ფონდთან პარტნიორობით. 

ამბროლაურის მუნიციპალიტეტში ადგილობრივი პარტნიორები არიან რაჭა-ლეჩხუმისა და ქვემო სვანეთის რეგიონალური  ჰაბი - ფონდი „აფხაზინტერკონტი“ და  რაჭა-ლეჩხუმისა და ქვემო სვანეთის თვითმმართველობის რესურს-ცენტრი. მეწარმე ქალთა ფონდი შეხვდა ამ ორგანიზაციებს და შესასრულებელ სამუშაობზე ისაუბრა.

ორგანიზაციებმა უნდა ჩაატარონ ანკეტირება, ჩაღრმავებული ინტერვიუები, ფოკუს-ჯგუფები - მიღებული მასალებით მოხდება მოსახლეობის საჭიროებების შეფასება.

სამუშაო შეხვედრაზე ასევე განიხილეს ახლახან დაფინანსებული მცირე პროექტების განხორციელების გეგმა-გრაფიკი.

პროექტს „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ახორციელებს ფონდი „სოხუმი“ იმერეთის მეცნიერთა კავშირ „სპექტრთან“ და მეწარმე ქალთა ფონდთან პარტნიორობით. 

„საქართველოს სასოფლო დარბაზი“ სამოქალაქო საზოგადოების ერთ-ერთი წარმატებული ორგანიზაცია და პროექტის აქტიური პარტნიორია ლანჩხუთში - ქვეგრანტების კომპონენტის ფარგლებში განახორციელა მცირე პროექტი „ანგარიშვალდებულებისა და გამჭვირვალეობის ელექტრონული კომუნიკატორი ლანჩხუთის მუნიციპალიტეტისთვის“.

მონიტორინგის დროც დადგა: იმერეთის მხარის მეცნიერთა კავშირ „სპექტრის“ წარმომადგენლები გაეცნენ პროექტის მიმდინარეობას და დაესწრენ ერთ-ერთი შეხვედრას, რომელიც საქართველოს სასოფლო დარბაზმა ადგილობრივი სამოქალაქო საზოგადოების ორგანიზაციებისთვის ჩაატარა.

პროექტის ხელმძღვანელმა ამირან გიგინეიშვილმა წარმოადგინა ვებაპლიკაციის ვერსია, რომელიც მან შეიმუშავა ASP.NET  C++ პროგრამულ ენაზე  MS SQL სერვერის გამოყენებით.   განხილულ იქნა მოქალაქის მიერ წერილის გაგაზავნის და პასუხის მიღების, საჯარო ინფორმაციიის მოპოვების ალგორითმი. შეხვედრის მონაწილეებმა სატესტო რეჟიმში დამოუკიდებლად გაგზავნეს ელექტრონული კორესპონდენცია და იმუშავეს სხვა  ველებში.

„ლანჩხუთის საინფორმაციო ცენტრი“  პარტნიორი ორგანიზაციაა პროექტში „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“.

იმერეთის მხარის მეცნიერთა კავშირმა „სპექტრმა“ ორგანიზაციაში განახორციელა  ქვეგრანტით  „ლანჩხუთის მუნიციპალიტეტის მერიის ანტიკორუფციული სტრატეგიის შემუშავება თანამონაწილეობითი პრინციპების გამოყენებით“ გათვალისწინებული  ღონისძიების   მონიტორინგი.

ორგანიზაციის ხელმღვანელმა დავით გოგიჩაიშვილმა ისაუბრა ანტიკორუფციული სტრატეგიის   შემუშავების ეტაპებზე, კერძოდ, მოსამზადებელი პერიოდით გათვალისწინებული აქტივობებისა და მონაწილე პირთა შერჩევის შესახებ.   

იმერეთის მხარის მეცნიერთა კავშირმა „სპექტრმა“ მორიგი საკონსულტაციო შეხვედრა ჩაატარა პარტნიორ ორგანიზაციებთან  ოზურგეთში: „განათლებისა და თანასწორობის ცენტრი“ და  „ახალგაზრდა პედაგოგთა კავშირი“.

შეხვედრაზე განიხილეს მიმდინარე საკითხები, ისაუბრეს პარტნიორი ორგანიზაციების მიერ ქვეგრანტით დაფინანსებული ახალი პროექტების სამუშაო გეგმით გათვალისწინებული ღონისძიებების და მათი მონიტორინგის, ასევე - მოქალაქეთა  ადგილობრივი საჭიროებების კვლევის ჩატარების შესახებ.

მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.

ოზურგეთში მრგვალი მაგიდა გაიმართა თემაზე „ოზურგეთის მუნიციპალიტეტში საჯარო მმართველობის რეფორმის სამოქმედო გეგმის განხორციელების საზოგადოებრივი მონიტორინგების შედეგები“.

შეხვედრაში მონაწილეობდნენ ადგილობრივი თვიმმართველობის, არასამთავრობო ორგანიზაციების, მასმედიისა და მცირე ბიზნესის წარმომადგენლები, პედაგოგები, დაინტერესებული პირები.

პროექტის პარტნიორი ორგანიზაციის „იმერეთის მხარის მეცნიერთა კავშირი „სპექტრის“ წარმომადგენელმა ისაუბრა საჯარო მმართველობის რეფორმის საგზაო რუკის მონიტორინგში სამოქალაქო საზოგადოების ჩართულობის მნიშვნელობის შესახებ.

გურიის რეგიონში პარტნიორი ორგანიზაციების „განათლებისა და თანასწორობის ცენტრის“ და „ახალგაზრდა პედაგოგთა კავშირის“ წარმომადგენლებმა შეკრებილებს  გააცნეს მათ მიერ ჩატარებული მესამე მონიტორინგის შედეგები და აღნიშნეს  მონიტორინგების შედეგად გამოვლენილი დადებითი ტენდენციები და ახალი გამოწვევები.

დონორი ორგანიზაციები

Image
Image
Image
Image
Image